كمال ( أبو ياسمين ): انا معنديش مانع يابني بس نشوف رأي اخوها ووالدتها
عبدالله ( اخوها ) : انا اعترض
علي بغيظ : وانت معترض على أي بقا إن شاء الله
عبدالله : انا لسه مشبعتش من اختي ممكن نخلي الخطوبة سنتين تلاتة عشرة احنا مش مستعجلين خالص
علي بصوت واطي : هو احنا اللي بنعمله في الناس هيطلع علينا ولا أي وكمل معلش خليها عليك واسحب اعتراضك ونحدد
معاد كتب الكتاب
عبدالله بأستفزاز : اتحليل عليا شويه
كمال : خلاص ي عبدالله مترخمش عليه اكتر من كدة بص يابني كتب الكتاب إن شاء الله هيكون بعد شهرين نكون جهزنا كل حاجة وانت كمان تكون خلصت وشطبت كل حاجة والفرح بعده بشهر
علي : اهو هو ده الكلام ولا بلاش بس بعد اذنك ي عمي انا وياسمين اتفقنا ان بدل ما نعمل فرح هنطلع عمره
كمال : طيب يابني ربنا يسعدكوا
علي : طب معلش ي عمي طلب كمان ممكن اخد ياسمين ونخرج وعشان متعترضش اكيد مش هنخرج لوحدنا ممكن عبدالله يجي معانا
عبدالله : ايوه كدة ده انا كنت هنكد عليك ومخرجهاش معاك لو قولت غير كدة
علي : عيب عليك انا بردوا ميرضينيش اخرج معاها لوحدنا
كمال : ماشي يابني ، قول لأختك تجهز عشان تنزلوا ي عبدالله
عبدالله : ماشي ي حج
عند مريم ومحمد
محمد بأبتسامه : انا شوفت حاجه على الفيس بوك ممكن تغير حياتنا كلها لو عملناها
مريم بلامبالاه : معلش ي محمد سيبني دلوقتي انا مش فايقة
محمد : اسمعي بس مش ممكن تعجبك دي اكيد هتعجبك مش ممكن
مريم : طب قول أي هي
محمد :………………………….
مريم : بجد ي محمد
يتبع….
وقفنا البارت اللي فات لحد ما مريم رضيت ان محمد يقول الفكرة اللي شافها واللي ممكن تغير حياتهم
مريم ب لامبالاه : طيب قول
محمد : شوفت بوست لشيخ على الفيسبوك بيقول ان لو احنا عايزين ربنا يحققلنا حاجة علينا بالأستغفار والحوقلة في قيام الليل او أي وقت بس افضل وقت قيام الليل وان احنا نصلي قيام الليل وندعي كتير لأن الدعاء بيغير الأقدار وبردوا نطلع صدقة للناس المحتاجة
مريم : يعني أي حوقلة
محمد : يعني ان احنا نقعد نقول لا حول ولا قوة الا بالله اكننا او بمعني اصح بنسبح بس بالحوقلة يعني بنقول لا حول ولا قوة الا بالله على كل عقلة من صوابع أيدينا اليمين
مريم : طب هو احنا ليه بنسبح على أيدينا ما ممكن نسبح على المسبحة الإلكترونية
محمد : اللي عرفته ان المسبحة الإلكترونية بدعه حتى السبحة العادية بردوا بدعه لأن احنا لما نسبح على أيدينا العُقل بتاعت صوابعنا بتيجي يوم القيامة بتنور