محمد : هيسامحنا إن شاء الله يختي يلا سلام
مريم : سلام
الأم جت بعد ما محمد نزل
الأم : امال محمد فين دة انا مقعدتش معاه
اتفاجأت بمريم بتعيط
الأم بخضة : يلهوي مالك ي مريم بتعيطي ليه محمد قالك حاجة زعلتلك
مريم : ……….
الأم : يابنتي ردي متخضنيش عليكي
مريم بعياط : محمد عنده كانسر في المخ
الأم : يلهوي يعيني يابني طب هو مكنش تعبان ولا حاجة
مريم بعياط : من أسبوعين حس بتعب وراح كشف الدكتور قاله انه عنده كانسر في المخ وكان جاي مفكر اني هسيبه ف بيسبق هو وبيقولي القرار ف ايدك لو عايزة تنهي العلاقة دي انا مش هلومك
الأم حضنتها : طب اهدي ي حبيبتي إن شاء الله هيخف وربنا مش هيعمل حاجة وحشة دة ابتلاء ولازم نحمد ربنا عليه
مريم : الحمدلله ، انا عايزة انام نيميني ف حضنك
الأم :تعالي ي نور عيني نامي
مريم حضنتها ونامت
علي : مريم ، مريم اصحي
مريم : محمد انا عايزة محمد
علي : في أي ي مريم مالك وعايزة محمد ف أي
مريم : محمد عنده كانسر ي علي انا مش عايزاه يروح مني
علي : كانسر أي يابنتي انتِ كنتي بتحلمي ولا أي
مريم : لا مبحلمش حتى اسأل ماما هو كان هنا من شوية قبل ما انام وقالي