الدكتور: دة واجبي مفيش شكر ولا حاجة ، عن اذنكوا
الأم: اتفضل يابني
توضيح*الأم لسة متعرفش اللي محمد وصحاب مريم عملوه ، علي م راضي يقولها ع متزعلش بزيادة*
بعد شوية الحرباية والتلت عقارب جم (سالي واسيل وياسمين ومنه)
علي بعصبية ل سالي: انتِ أي اللي جابك هنا احنا م عايزين نشوفك تاني
الأم: في أي ي علي انت بتكلمها كدة ليه دي جاية تشوف اختك
سالي بعياط مصتنع: سيبيه ي طنط يقول اللي هو عايزه بس بالله عليكم خليني اشوف مريم
علي : لا م هتشوفيها ويلا من هنا انسي ان كان ليكي صاحبة اسمها مريم
سالي : بالله عليكِ ي طنط خليه يرضى يدخلني انا عايزة اشوف مريم
الأم وسالي صعبانة عليها : خليها يابني تدخل تشوف اختك انت م شايف منظرها
علي بضيق : ادخلي بس هما عشر دقايق بس
(طبعاً مستغربين أي اللي غير سالي كدة استنوا شوية هتفهموا ما هو اصل الحرباية هتفضل حرباية )
سالي : حاضر
بعد ما سالي دخلت عند مريم جابت كرسي وقعدت جمبها
سالي بشماته: أخيراً شوفتك تعبانة ومريضة ومرمية رمية الكلاب وعايشة ع الأجهزة انتي عارفة انا بكرهك اوي
لأن انتي دايماّ بيقرنوني بيكي خليكي زي مريم شوفي مريم شاطرة ازاي اعملي زيها وكل حاجة مريم مريم مريم لحد ما كرهتك حتي لما اتخطبتي فضلوا يقولولي مريم اتخطبت وانتي لسة انتي هتعنسي جمبنا لحد ما قدرت اضحك ع خطيبك واخليه يكرهك واخده منك ع اوريهم اني احسن منك وانه حبني انا وانتي لا طب انتي عارفة ان انا ع اخده منك عملتله سحر بعد ما كان متمسك بيكي بس ع مين م علي سالي الكلام دة خدته منك بردوا حتي
صحابك اسيل وياسمين ومنه كرهتهم فيكي وخلتهم زي الخاتم ف صباعي انا بكرهك بكرهك اوي
وفجأه جهاز القلب بتاع مريم صفر وسالي نادت للدكتور بلهفة مزيفة ع محدش يشك فيها طبعاً
الدكتور ل الممرضة : هاتي جهاز الصدمات بسرعة
الدكتور: 1،2،3 شغلي يلا كمان مرة ، علي الكهربا ، 1،2،3