اتعصبت أكتر وبدأت في المواعين.
خرجتلهم بالشاي قعدنا كلنا سوا كانت قاعدة لذيذه، حاولت انسى فيها الغباء اللي حصل في المطبخ، فضل بابا يتناول مواضيع مختلفة، طبيعة بابا حبيبي قاعدته مبيتزهقش منها، انشغل كريم في موضوع مع يونس ولقيت
close
بابا سكت شوية وابتدى يبصلي، اتوترت، فهمت معنى بصته، عرفت إنه هيبدأ يسحبني عشان يسرسبني في الكلام، ابتسمت ببلاهه وحطيت الشاي، قررت أنقذ الموقف على قد ما أقدر، كان لسه بابا هيندهلي، فـ بصيت لـ يونس وندهته.
_ مش يلا بينا عشان منتأخرش.
– إيه ده إنتوا مش هتباتوا انهارده؟
_ لأ يا مامي للأسف حاجتنا عند بيت يونس، هنروح انهارده بس إن شاء الله تتعوض.
“بعد سلامات وتحيات قومنا عشان نمشي.
_ سلام يا عمي إن شاء الله نيجي في أقرب فرصة.
– أي وقت يا حبيبي متنساش الموضوع اللي اتكلمنا فيه.