مبعرفش أطبق، ومش بحب أطبق، كنت عارفه إني طول اليوم هبقى مدروخه ويمكن أنام على نفسي،
خلصنا فطار وقومت أنا وطنط روقنا المكان وابتدينا نحضر الغداء على الضهر وكانت معانا ندى، بتساعدنا وفي نفس الوقت بترميلي كلام، أفهمها إزاي إنه مش فارقلي وإنها بتبذل مجهود على الأرض، كان ساعتها اونكل طلال
close
نده على يونس لـ أوضته، فضلوا يتكلموا فترة، حوالي ساعتين!
كنت سمعت صوت زعيق اللي كان أغلبه صوت يونس، طنط سابتنا وراحت تشوفهم، سمعنا زعيق تاني كان من ضمنه “متدخليش يا منال”
مفيش خمس دقائق ولقينا طنط راجعالنا بتضرب أخماس في أسداس.
_ مش عارفه أعملهم إيه، مبيعرفوش يقعدوا ساعة واحده من غير خناق.
– ماما.