هي دي حجتك لكل حاجة وأي حاجة إنك دخلت هندسة وتعبت ومشغول ومش فاضي وراك مذاكرة أصل إنت مفيش منك “كانت نبرة صوتي ابتدت تعلى كنت لاحظتها فهديت صوتي” أصل محدش قدر يدخل هندسة غيرك، هو ده مبررك صح؟
close
رد بإنفعال مصحوب بضيق: وإنتِ تعرفي إيه عن الكليات الصعبة أو حتى عن معاناة هندسة وثقل الدراسة والتعب اللي الواحد بيبذله عشان تتكلمي بالثقة دي، إنتِ فاكرة اللايف كوتش بتاعتك دي شغلانه؟
ت…
قطعته: فاكرة؟ .. لأ هو أنا حقيقي مش فاكرة عشان هي فعلًا شغل، ورأيك مش هو اللي هيقول هي شغل أو لأ، وبمناسبة الكليات الصعبة إنت حتى متعرفش أنا خريجة إيه، مستوعب؟
أنا خريجة صيدلة وبتقدير عالي يعني من منظورك كلية صعبة وتقيلة وكمان بتقدير ياه ده أنا عملت المستحيل!