– إنت إيه اللي مأكدلك كده إن باباها ممكن يخطبها دلوقتي وانتوا لسه في الجامعة؟
– يبنتي أنا فاهم أبوها، لو اتقدملها حد كويس هيبقى ليه لأ وكمان هي مش صغيرة خلاص أحنا في تالتة وفاضل سنة على التخرج، يعني لو اتقدم لها حد دلوقتي هيوافق على الخطوبة والفرح بعد ما تتخرج.
_ هي لو بتحبك مش هتوافق.
– تمام بتحبني، بس هتستنى على أساس إيه على أمل أو إحساس منها، وأنا مفيش مني أي خطوة أو حاجه تأكدلها ده، وكمان هتقنع باباها إزاي.
رواية حكاية ليله جميع الفصول من الفصل الأول إلى الأخير
_ إنت شاكك إن في حد هيتقدملها؟
-أيوة يا ليلوش، المعيد اللي عندنا شكله ناوي يتقدم لها.
_ بص يا باشا، اتقدم لها، اتخطبوا ومش لازم تتجوزوا على طول، اونكل طلال متفهم ولو إنت كلمته وصارحته إنك
بتحبها بجد ومش عايز تلعب هو هتلاقيه من نفسه بيقولك تعالى اخطبها لك بس مفيش جواز غير لما تكون نفسك وتبقى مسئول.
– تفتكري؟
_ اسمع مني،
ويلا افتحلنا البلايستيشن خلينا نلعبلنا جيم ولا حاجه.
*********