“قولت جملتي وروحت قعدت على السفرة، مستنتش منه رد، وقبل ما أقعد فتحت الموبايل أشوف أي ميسد كول أو ماسدج من كريم بس ملقتش وكانت حاجه زعلتني، قفلت الموبايل بحيره، وسبته بعيد عن السفرة احترامًا ليها”
close
_ إنت بتعمل إيه ؟
– إيه؟!
_ممكن تسيب موبايلك بعيد، هي ربع ساعة هنفطر فيها مفيش حاجة مهمه هتفوتك.
– قولت بضحك: أنا بفتحه عادي بس إيه الحكمة يعني.
_ حاجة اسمها احترام للوقت، وده وقت الفطار ف نحترمه ونسيب موبايلتنا شوية.
“وفجأة لقيت نفسي اتعصبت لما افتكرت كلامه اللي لسه قايله، ولما افتكرت إنه ممكن يكون بيكلم البنت دي