زقيته وقولتله بضيق ايه اللي بتعمله دا عيب لو سمحت مش تقرب مني تاني ولا تلمسني حتي لو بالغلط
معتز:اسف والله مش قصدي بصي طبيعه عيشي ف امريكا الحاجات دي عندنا عادي والله انا اسف هحاول اغير من العادات دي بس انا مافيش حاجه ف نيتي وهفتح الباب كمان وفتح الباب وانا خرجت ع اوضه يوسف لقيته نايم ونمت جمبه وحضنته وانا
بفكر لحظه ما عيطت وحضني وقتها حسيت بالامان وان ف حد مهتم لحياتي اهلي نفسهم مش مهتمين وحسيت اني اتشديت ليه بس قررت ادفن الاحساس دا عشان غلط طبعا الاهتمام مهما كان بيولد الحب وانا مش عايزة اقع ف الغلط بس معتز كان شخص بيجنن دايما هدايا ومفجأت ليا وليوسف وياخدنا يفسحنا حياتي وحياه ابني اتغيرت مليون الميه وقت ما جه
ودخلها بقت كلها فرح ولعب وسعاده وبقينا معظم الوقت قاعدين نتكلم مع بعض طبعا ع سيبل اننا اخوات وان احنا ف بيت واحد وطبعا محمود ولا هو هنا وكان معتز دايما يساعدني ف المذاكره واتفوقت بسببه وف يوم انا معتز كنا قاعدين قدام التلفزيون بعد ما يوسف نام وماكنش فيه غيرنا ولقيته حط ايده ع كتفي بصراحه حسيتها عادي بالنسبه ليه لاني اخدت ع طبعه وهو
بيعتبرني اخته بس انا كنت حاسه ان ف سند ف حياتي ومخليها جميله ونسيت اصلا اني متزوجه من محمود
معتز؛ع فكره ياسوسو انا قررت انزل الشغل مع محمود اي رأيك
انا:كويس جدا بس مين هيزاكرلي بقي
معتز ّماتقلقيش انا هرجع بدري مش هسهر زي محمود انا سألته عن علاقتكم بس رده صدمني جدا بصراحه
انا:رده صدمك ليه هو قالك اي بالظبط
معتز:قالي ولا بلاش تعرفي عشان مش اضايقك
اناّ:لا قول بالله عليك قالك اي
معتز:مصممه يعني تعرفي
انا:اه جدا
معتز:طيب اولا انا اسف ف اللي هقوله هو قال انه اشتراكي تخلفي الوريث وجه يوسف ومهمتك دلوقتي تربيه كويس وانك
مش مهمه بالنسبه ليه خلاص
انا اول ماسمعت كدا عيطت يعني انا جاريه استراها بفلوسه ومهمتها تربي الولد وبس منك لله يابابا انت السبب ف اللي بيحصلي دا انا انهارت وعدي شريط حياتي قدام عنيه وحسيت بالضعف ودخلت ف حاله هستيريه انا اللي بيحصلي دا ليه
حياتي كدا
معتز:سلمي لا بالله عليكي متعيطيش ماكنتش عايز اقولك عشان كدا …بس انا مستعتش كلامه وفضلت اعيط كتير مش عشان محمود لا عشان نفسي اللي دفتنها مع راجل اكبر من ابويا انا سلعه اشتراها وبس ف اللحظه دي لقيت معتز
بيحضني ويقولي كفايه بقي انا جمبك انا بحبك ياسلمي مش هتخلي عنك وحضني جامد …….ياتري نيه معتز اي هنعرف بكرا
يتبع….
لقيت معتز بيحضني جامد ولسا هيبوسني قومت ضربته بالقلم وزقيته
انا:انت بتعمل اي ياحيوان انت بتستغل ضعفي ايه البجاحه دي وقومت بسرعه طلعت اوضتي وقفلت الباب عليا وهو بيجري ورايا