انا:طبعا حالنا دا بقاله خمس سنين وانا متحمله بس اظن بقي جه الوقت توفي بوعدك
محمود:وعد اي دا
انا:القصر قولت هتكتبه باسمي لما اخلف واهو معانا يوسف مشاء الله خمس سنين وقولت هكمل تعليمي متزوجين من ست
سنين.وبرضو محصلش …بصلي محمود بغضب نظره اول مره اشوفها خلتني ارتعبت ……….ياتري محمود موقفه اي هنعرف بكرا
يتبع….
محمود الشرار كان خلاص طالع من عنيه
محمود:يعني انتي قاعده لحد.2باليل عشان كدا ياسلام ست عظيمه والله وانتي تاخدي رأيي ليه اعملي اللي يريحك روحي الجامعه انا مش همنعك انما القصر دا ملك ابني وهكتبه باسمه هو.وكل املاكي مش تحلمي اكتبه باسمك
انا:عادي انا وابني واحد بس خلي بالك انا بعد كدا هعمل اللي يريحني من غير ما اخد ازنك انت كدا كدا زي قلتك واظن انت
فاهم قصدي ولسا بلف دماغي لقيت قلم ع قفايا تقول مرزبه ياختي اتسرعت ونزل فوقي ضرب ابن الجزمه فين شجاعتك.دي فوق يامنيل والاخر قدرت اتغلب عليه زقيته وطلعت اوضتي جري وقفلت الباب عليا وفضلت اعيط وهو نام ف اوضته المفضله واريح انا بقيت بكرهه كل يوم سكر وسهر وحتي حقوقي مانعها عني بس عادي بقي انا تاني يوم اخدت ورقي وقدمت ف
اداره اعمال وبعد تعب وفلوس كتير رش*اوي قبلت بس كليه خاصه وركزت ع دراستي ويوسف ابني وقررت اعتبر اني مش متزوجه او انه مات وهو.ساعدني ع كدا لانه كان قليل لما اشوفه اصلا وكنت بتعمد اوقات وجوده اكون مش موجوده او.نايمه ودا حسن نفسيتي كتير لحد ما ف يوم حصل اللي ماكنش ف الحسبان وانا خارجه من القصر بسرعه عشان الحق محاضراتي
ماخدتش بالي كنت هقع ولقيت شاب قمر طول بعرض وشباب وحلاوه وشعر اصفر لحقني ومسك ايدي ولما بصيت ف عنيه انا توهت بس لاحظه رجعت لوعي تاني
انا :انا اسفه ماخدتش بالي شكرا لحضرتك
الشابّّ:مافيش مشاكل يا ….
انا:سلمي اسمي سلمي
الشاب:معتز اسمي معتز
انا:تشرفنا يا استاذ معتز وميرسي مره تانيه بعد ازنك عندي محاضرات كتير باي
معتز :باي بصتله وضحكت وركبت عربيتي ومشيت وطول الطريق افكر فيه لحد ما وصلت وانا ف المحاضره مش مركزه وبعدين سألت نفسي سؤال اي دا انا غبيه واحد داخل بيتي ومش اسأله داخل ليه ما اغباني صحيح ياتري يطلع مين معتز المز دا
الواد قمر بعد ما خلصت محاضراتي ورجعت القصر اول ما دخلت لقيت يوسف ابني قاعد بيلعب مع المز قصدي معتز واستغربت كتير اي دا معتز قاعد ف بيتي واخد راحته ولابس شورت وفنله كت ف اي بقي مين دا يوسف طبعا اول ما شافني جري عليا وحضني
يوسف :ماما وحشتيني جبتي ليا اي بقي
انا:جبتلك شيكولاته بس قولي مين دا اللي بتلعب معاه
يوسف:دا اونكل معتز ياماما
انا:ايوة عارفه اسمه معتز بس يقرب لينا اي دا ……
معتز:اي دا انتي متعرفنيش
انا تنحت طبعا معرفش يعني اي الذكاء دا اول مره اشوفك ومعرفش غير اسمك
انا ّلا معرفش مين حضرتك قاطعني محمود بصوت حاد
محمود:بصوت عالي سلمي انتي ازاي تتكلمي كدا مع معتز …انا لنفسي يادي النيله عليك وع معتز انا معرفش اصلا مين دا …..ياتري مين معتز واي علاقته بمحمود ويوسف وسلمي …..
يتبع….
معتز :اهدي يامحمود وهي هتعرفني منين بس انا لا حضرت فرحكم ولا نزلت مصر بقالي عشر سنين انا معتز اخو محمود
محمود:معتز هيعيش معانا هنا ياسلمي ياريت تعامليه كويس هو زي ابني تمام انا اللي ربيته اظن كلامي واضح مش عايز مشاكل
انا:حاضر قولتها وانا قرفانه منه اصلا يعني هي كانت ناقصه عاهه جديده من عيلتك مش كفايه انت يعني بس الصراحه الواد مز