كان مدحت يكسر كل شيء حوله من شدة الغضب ينظر لنفسه في المرآه وكأنه يتحدث مع شخص أخر هاتفًا: كل الي عملته طلع على الفاضي… قتلت محمد وكل عيلته بس عشان كنت بتغير منه ومكنتش عاوزه أحسن منك، هو كان بيخلف وإنت عقيم!!
صرخ صرخة هزت المكان وأردف: كان ليه أخوه بيحبه عاشوا وماتوا مع بعض دافع عنه لحد أخر نفس فيه… أما إنت هتعيش وتموت لوحدك…
يصرخ بقوه ثم يرمي شيء في المرآه فتنكسر إلى فتاتٍ صغير وقطعٍ كبيرة…. تنفس بقوه ثم هتف قائلًا: كنت فاكر البت هي الكارت الرابح معايا الي هقدر أخد بيه الشركه والبيت بالسعر الي أنا عايزه… علمتها وكبرتها عشان لما تكبر تبقى دراعي اليمين حاولت أجوعها عشان لما تشوف الفلوس والنفوذ تجري عليهم وتبقى بنتي أنا… لكن كله ضاع على الفاضي…
يمسك قطعه من الزجاج المكسور ويضغط عليها بقوه فتسيل الدماء من يده ويبدأ مجددًا بالصراخ كالمجنون….
كل ما أراده انتثر كالتراب، أراد أن يجعل من سلمى شخص سيء لكن على العكس تمامًا فالمحنه قربتها من ربها، وكيف لا واليتيم في رعاية ربه يرعاه ويربيه، فقد كان والدها رجل تقي يفعل الكثير من الخير
قال تعالى:-
“وليخشَ الذين لو تركوا من بعدهم ذرية ضعاف خافوا عليهم فليتقوا الله وليقولوا قولًا سديدا”
—————————-