ازدردت سلمى ريقها بتوتر، ولم تشك بأنه علم بما حدث بل أيقنت أنها وقعت في مكر أحدهم،أردفت ببكاء: والله يا عمو ما عملت حاجه دا ال….
قاطعها بحدة قائلًا بصوت مرتفع:
-عملتي معملتيش… لو سمحتِ اطلعي من حياتنا…
تركها تلملم نفسها المبعثره، وأشيائها البسيطه حتى تخرج بلا عوده.
أي ذنب إقترفته لتنال كل ذاك العقاب! أي ذنب فعلت ليكون لها كل هؤلاء الأعداء! بكت بقلة حيله فإلى أين ستذهب وإلى من ستلجأ! تركت البيت وسط توسلات
من يمنى لأبيها ليتراجع عن كلامه، ولسلمى بأن تتوقف ولا تخرج من البيت، لكن سلمى تركت الأموال مكانها وخرجت هائمة وقد إغرورقت عيناها بالدموع، جادلت يمنى والدها ولكن مع شدة غضبه سحبها وأدخلها غرفتها ثم أغلق عليها الباب.
جلست يمنى تبكي خلف الباب: يا بابا والله سلمى بريئه….
جلس عبد الله على الأريكه وقد بلغ منه الغضب مبلغه حدث حاله قائلًا: أنا السبب أنا الي اتسرعت ودخلت في حياتنا واحده معرفش أصلها ولا فصلها..
تذكر حوار أحمد فبعد أن رأى عبد الله الصور المركبه لسلمى جلس يفكر ماذا يفعل؟ وكأن أحمد قد اختار أحمد التوقيت المناسب وجلس جواره ….
فلاش باك
-يا عمي عبد الله أنا بعتبرك زي والدي… ولازم أقولك الي بيحصل من وراك
-في ايه يا أحمد قول من غير مقدمات!
-البنت الي اسمها سلمى دي مش مظبوطه… من أول ما جت وهي بتحاول تلفت نظري وبتدلع عليا… مش عارف إنت إزاي مقعدها مع بنتك وفي بيتك…
بصراحه كدا متزعلش مني دي بت شمال
صب السُم في عروق عبد الله حتى استشاط غاضبًا وأكمل أحمد: الي متعرفهوش كمان إنها لعبت على سليم وفهمته إن أنا الي بجري وراها… وخليته ضربني
-امته الكلام دا؟