دخل العقرب بسرعه و شاف يوسف واقع وراه القصر و بياخد نفسه : يوسف انت كويس حصلك حاجه
يوسف وهو بينهج: اااه الحمد لله لحقت اخرج علي اخر لحظه و من قوه الانفجار اترفعت و وفعت علي الارض بس الحمد لله
العقرب: طيب في حد في القصر فارس و حور و مليكه كويسين
يوسف: فارس اخد حور و مشي و و مليكه عرفت الحقيقه و سابتني و مشيت
العقرب بزعيق: شوفت قولتلك ملوش لازمه تدخل مليكه من الأول في الموضوع عاجبك كده رضيت غرورك و كبرياءك دلوقتي لما انتقمت من حسين عابد
وقفت مليكه تكتم صوت عياطها باديها و جريت بره القصر وهي بتقول في نفسها: يعني اي كل دا كان مجرد انتقام بس حبه ليا كله لعبه كل دا اهئ اهئ، مسحت دموعها بسرعه و قالت وهي بتحرك يديها علي بطنها : انا لازم امشي و ابني الجاي لازم ابعده عن دايره الانتقام و الدم دي لازم يوسف ميعرفش مكاني فين لازم
وصل فارس شقته و نزل و نزلت حور و دخلوا الشقه
فارس بحرج: ممميسون انا آسف بجد علي الحصل صدقيني انا
قاطعته حور بكسره: انا حور يا فارس
ادرك فارس ما قال: ااااا
حور: مش مشكله انا داخله عوزه انام
دخلت حور و اتفتحت في العياط: لسه شايفني هي بعد كل الحصل لسه مش مستوعب انه اتجوزني انا مش هي اهئ انا مش قادره اعترض علي قضاءك يا رب بس انا تعبانه تعبانه بسببه حبيبي سبب تعبي يارب ارحمني
كان واقف بره سامع صوت شهقها و حزين عليهم الاتنين
في المستشفى
كانت حنه واقفه مصدومه وهي شايفاه صاحي قدامها
وليد بتعب: تتجوزيني يا حنه
حنه بتوتر: ااااا انت انت صاحي
وليد: الحمد لله الفضل ليكي، المهم دلوقتي تتجوزيني
حنه: استاذ وليد انت بتقول اي ارتاح
وليد: انا مش بخرف يا حنه انا كويس و هخرج بعد يومين عوزك تقولي ل مامتك اني هاجي اتقدملك يوم الخميس و وافقي يا حنه انتي محتجالي اكتر ما انا محتاجلك
خرجت حنه من عنده وهي في دماغها الف حاجه و اكنها حرب في دماغها
وصلت تحت البيت وجدت مراد نازل، راح عندها و مسكها بغضب و قال: مبسوطه بالحصل دا دلوقتي
حنه بوجع: اه مش مهم انا اتبسط المهم حلم تكون مبسوطه
قبض مراد عليها بغل اكتر: انتي ازاي بتفكري كده ازاي تكسري قلبي و قلبك بالشكل دا هيكون قلبك في حاله اي وانتي شيفاني بتجوز اختك الاسبوع الجاي
منعت حنه دموعها و قالت بجمود : هيكون في حاله كويسه لاني هتجوز انا كمان الاسبوع الجاي يا مراد
سبها مراد بصدمه و قال: اي هتتجوزي مين و وزاي الاسبوع الجاي
حنه بجمود اكتر: اه وليد الالفي هيجي يوم الخميس يتقدملي و هنتجوز معاكم الاسبوع الجاي
مراد بصدمه اكبر: وليد بس وليد في
قاطعته حنه: وليد فاق و اتحسن كتير حتي هيخرج من المستشفى بكره او بعده بالكتير
مراد: طيب ازاي وانتي مش بتحبي ولا هو بيحبك
ابتسمت حنه و قالت: معلومات غلط يا دكتور بعد اذنك عشان انت دلوقتي خطيب اختي و مينفعش وقفتنا دي
فاقت مليكه من شرودها علي صوت نور: ماما عوزه اشرب
مليكه: حاضر يا حبيبتي، خرجت مليكه من الاوضه و دخلت المطبخ تجيب مياه وهي خارجه لمحت صوره يوسف في مجله و بجانبه بنت زي القمر ترتدي فستان قصير جداً و عاري يشبه الانجيري، لفت نظرها ايد يوسف التي تحاوط البنت من خسرها
نزلت دموع مليكه و قبضت علي الكوبايه بغل وهي تكتم صوت شهقها، يد نور الصغيره وهي تطبطب علي رجل مليكه طفت البركان التي كان في قلب مليكه
نور: مالك يا مامي انتي بتعيطي
مليكه: لا يا نوري بس في حاجه في عيني
شاورت نور لها بان تنزل لها و فعلا نزلت مليكه لمستواها، ابتسمت نور لها و طبعت قبله علي عينيها
حضنت مليكه نور و حملتها و دخلت عشان يناموا
دخل يوسف القصر وهو يتمايل و يحضن فتاه
خرج فارس علي الصوت: تاني يا يوسف انت مش هتبطل بقي
نظر يوسف للبنت و قال: ميري اطلعي انتي استنيني فوق يلا
طلعت البنت و هو قال ل فارس: اي يا عم فارس في اي
فارس بحزن: في اي انت يا يوسف مش كفايه بقي بتضيع نفسك اعمل حاجه صح
يوسف بزعيق: عاوزني اعمل اي تاني اي هو الصح من نظرك اني ارجع شغلي الخسرني حياتي و مراتي
رد وليد من خلفه: لا يا يوسف تدور علي مراتك
يوسف بعصبيه: مين قال اني مدورتش انا بقالي خمس سنين بدور عليها في كل حته مبعرفش انام الليل لفيت عليها الدنيا عوزني اعمل اي تاني
رد فارس: متستسلمش انت استسلمت بسرعه يا يوسف
ضحك يوسف بستهزاق: بعد خمس سنين كده انا استسلمت مهو محدش حاسس كل واحد فيكم عايش مع مراته و متهني حطوا نفسكوا مكاني مره بقي
سابهم يوسف و طلع و هو الدموع في عيونه
فارس بحزن علي اخوه: يوسف عنده حق في كل كلمه هو اه غلط بس مش للدرجه دي
وليد: الاتنين غلطوا يوسف لما دخل مليكه اللعبه دي من الاول و مليكه لما بعدت كل البعاد دا خمس سنين حزن محدش شاف فيهم حاجه عدله
فارس: بس احسن حاجه حلصت اننا اتجمعنا كلنا في بيت واحد انت وانا و سراج و مراد و يوسف و حنه و حلم وحور، وقال بحزن ناقص بس مليكه و نجمه
رد وليد: هيرجعوا الاتنين نجمه هترجع احسن من الاول و مليكه هترجع البيت تاني
فارس: انا هروح ل نجمه بكره انا و حور المستشفى
وليد: ماشي
فارس: انا نفسي يوسف يروح
وليد: لا اخر مره راح فيها حالتهت اتاخرت اووي بلاش يوسف خالص بلاش
يتبع….
الدنيا اتشقلبت و ياتره اي الحصل في الخمس سنين دول و اي الحصل ل نجمه و لي يوسف مينفعش يشوفها كل دا هنعرفه لسه في الفصول الجايه
يتبع ………..
دخل فارس الاوضه بتعته و كان الحزن مرسوم علي وشه، حور كانت في الحمام و خرجت لقته باصص في الارض بحزن، قعدت جمبه و حطت يديها علي ضهره: مالك يا حبيبي فيك اي
رد فارس بحزن: في حزن يا حور حزن كبير محاوطنا الدنيا مش عوزه تظبط انا مش عارف اعمل اي
حضنته حور لتخفف عنه: فارس حبيبي الاحنا في دا مجرد اختبار هو اه طول شويتين بس اختبار و ربنا عشان بيحبنا حطنا في بيشوف احنا هنستحمل ولا لا و زي ما في سلبي في إيجابي
طلع فارس من حضنها و قال: فين الإيجابي يا حور مفيش غير السلبي اهو عايشين في بقالنا خمس سنين
حور حطت يديها علي خده بهدوء و قالت بحب: لا في إيجابي زي مثلا اني انت حبتني و بقينا مع بعض في سعاده و حنه و وليد كمان و مراد و حلم و سراج و قمر و كمان ميسون و غيث دا كلوا إيجابي من العملوا يوسف و السلبي تعب نجمه و اختفاء مليكه
فارس: يعني دول مش كفايه اننا نبقي حزنانين
حور: كفايه بس برضو ربنا مش بيدي كل حاجه شوف انت و وليد كان بقالكم كام سنه مش بتتكلموا مش برضو كنتوا في حزن لكن دلوقتي انتو ايد واحده و مع بعض اصبر يا فاروسي و كل حاجه هتبقي تمام
ضحك فارس علي دلعها لي: ربنا يخليكي ليا يا حوري يارب
حور و هي الدموع في عيونها: و يخليك ليا يا اجمل حاجه في حياتي
حضنها فارس بحب
دخل وليد اوضته لقي حنه نايمه، دخل و نام جمبها و قربها لي و حضنها جامد
صحيت حنه علي و بصت عليه و قالت بهدوء: مالك يا حبيبي انت تعبان
وليد وهو بيدفن راسه في رقبتها: لا انا كويس بس عاوز انام في حضنك كده
ابتسمت حنه و حضنته جامد لحد ما ناموا
في اوضه يوسف
دخل يوسف الاوضه و طرد البنت منها و قعد يعيط زي الاطفال و افتكر الحصل في الخمس سنين دول
فلاش باك
خرج يوسف من القصر بسرعه و ركب العربيه و بدأ يدور عليها طول اليوم لكن مفيش فايده، رن تليفونه و اتوقع تكون هي رد بسرعه: الو
الدكتور: استاذ يوسف الالفي
يوسف: ايوا انا مين
الدكتور: انا الدكتور البيشرف علي حاله وليد
يوسف بقلق: مالوا وليد حصلوا حاجه
الدكتور: لا لا متقلقش يا يوسف بيه وليد بقي كويس جدا و كمان هيخرج بس المشكله انه عاوز يروح ل وحده و مش عاوز حد يجي ياخده
يوسف وهو بيدور العربيه: مسافه السكه هكون عندك حاول علي قد ما تقدر تخلي لحد ماجي سلام
قفل يوسف معاه و طار علي المستشفى، نزل بسرعه و طلع وقف قدام اوضه وليد و استعد و دخل
وليد كان قاعد متعصب اول و لما شاف يوسف سند علي عكازه: اقدر اعرف منعني لي اني اخرج
زفر يوسف و قال: اووف وليد الخلافات الشخصيه خليها علي جنب لكن انت دلوقتي تعبان و مينفعش تخرج
وليد بغضب: ملكش دعوه بيا فاهم سبني امشي متعملش فيها الاخ الكبير
يوسف بهدوء: وليد انا اخوك فعلا و الكبير حصل حاجات كتير انت متعرفهاش و علي فكره انا مسبتش الدخليه دي كلها خطه
وليد بستغراب: خطه خطه اي
يوسف: مش مهم دلوقتي المهم انك لو عاوز فعلا تخرج تعالي ارجع معايا البيت
في بيت انعام
حلم كانت فرحانه و مبسوطه جداً، دخلت عليها انعام: ممكن افهم تعرفي مراد دا منين
حلم: من الشغل
انعام: شغل اي وانتي واقفه في صيدليه و مراد مش صاحب الصيدليه
حلم: روحتله مره العياده يا ماما و اعجبت بي و بس
انعام باانفعال: وانتي مسالتيش هو معجب ب مين و مسالتيش نفسك هو بيحب مين
حلم: بيحبني انا يا ماما والا اي هيخلي يتقدملي
انفعلت انعام اكتر: انتي مين قالك انه اتقدملك انتي دا… مامااااا
كان دا صوت حنه، لفت انعام و حلم علي صوتها و قالت حلم: تعالي يا حنه شوفي ماما دي شاكه في حب مراد ليا
قربت حنه من حلم و حضنتها: مبروك يا حبيبتي انا فرحانه اوي اني مراد طلع بيحبك بجد زي ما انتي كمان بتحبي
حلم بفرح: انا هطير من الفرح بجد يا حنه مش مصدقه انا و حبيبي الاسبوع الجاي هنكون مع بعض في بيت واحد الله مش مصدقه
نزلت دمعت من حنه: انا مبسوطه اوي بس عارفه مش هزعل انك اتجوزتي اوي لاني انا كمان هتجوز الاسبوع الجاي، و لفت ل امها و قالت: في واحد جاي يتقدملي يوم الخميس يا ماما اسمه وليد الالفي هو شاب كويس و معجب بيا و انا كمان معجبه بي
حلم بفرح: بجد كده هنبقي احنا الاتنين في نفس اليوم انا مبسوطه اووي يلا انا هروح الصيدليه باي يا قلوبي
وقفت انعام و قالت ل حنه بحزن: لي لي يا حنه لي تحكمي علي نفسك و علي مراد بالإعدام و مش هما بس و وليد دا و حلم مراد هيعيش عمره كله مع واحده مش بيحبها و قلبه معاكي و حلم هتعيش تحب مراد وهو مش طايق حتي يبص في وشها و انتي هتكرهي نفسك و عشتك وانتي مع شخص و بتفكري في شخص تاني و هتحسي انك خاينه و وليد زنبه اي يحصل في كده
ردت حنه و هي بتعيط جامد: عشان حلم يا ماما حلم بتعشق مراد و انا قولتلها لو حصل و حبينا نفس الشخص انا هضحي و مش هرضي أبداً قلبها يتكسر هاااااا بس دا كان كلام يا ماما انا كنت واثقه اني مش هحب و لما عرفت اني بحب مراد متخيلتش أبداً اني حلم تكون بتحبه هي كمان و خصوصا لما عرفت ان مراد بيحبني
ردت انعام وهي حزينه علي بنتها: طيب هتعملي ايه دلوقتي يا بنتي
قالت وهي تمسح دموعها: هتجوز وليد يا ماما
رجع وليد مع يوسف القصر
يوسف: بص هتقعد في الأوضة التحت دي عقبال ما تتحسن شويه و تطلع فوق
وليد بعصبيه: انا مش عاوز اقعد و مش عاوز اطلع و بعدين فين نجمه و فارس و مليكه ياريت تقولي يا يوسف و تعرفني اي هي الخطه دي و ازاي انت مسبتش
الداخليه وانت تاجر سلاح
تنهد يوسف و قال: انا معرفش كتير انا من زمان و انا بكرهك انت و نجمه لان ماما فضلتكم عليا انا و فارس و سبتنا و مشيت و انا اشتغلت ظابط و عشان اقبض علي اكبر رجال المافيا لوسفير لازم اكون زيه و قولت انؤ سبت الداخليه انا و غيث و عرفت اني اسجن دراع لوسفير اليمين الهو حسين عابد و اكون انا دراع لوسفير و واحده واحده اشتغلت بعيد عن لوسفير و بسبب مره كان حسين عاوز يقتلني قولت هزله و احرق قلبه و اتجوزت مليكه طلقته الهو روحه فيها و حصل حاجات كتير بعدها و دخلت ميسون و نجمه و فارس في الخطه بدون قصد بس خلاص حصل و دخلوا و دا سبب مشاكل كتير بس الحمد لله في الاخر قدرنا نقبض علي لوسفير
وليد: مشاكل اي الحصلت
يوسف بحزن: زي جواز ميسون من غيث و كسر قلبها و قلب فارس و جواز فارس من حور و كسر قلبها هي كمان و الحصل معاك انت و مراد و سراج و انكوم كنتوا هتروحه بسببي و اغتصاب نجمه و جوزها من ياسر
قام وليد بلهفه: نجمه مالها و مين ياسر دا و هي فين
رد يوسف وهو بيهدي: اهدي يا وليد انا محتاجك تكون معايا ك اخ نحط ايدينا و ايد بعض و نرجع نجمه و فارس و مليكه
عقد وليد حاجبيه: فين مليكه
رد بحزن باين في صوته: سابتني و مشيت لما عرفت الحقيقه
حس وليد بمشاعر اخويه اول مره يحس بيها و قال بحب: انا هفضل معاك يا يوسف و هحاول نرجع البيت دا زي الاول دا عشان انا محتاج كده نفسي احس اني
ليا اخ بجد كان نفسي في كده من زمان و من رغم كرهك ليا انا عمري ما كرهتك يا يوسف و لو كنت قبضت عليك زي ما كنت بحلم كنت هديك بدل الفرصه الف انك تهرب
ابتسم يوسف: عارف مين يا وليد الانقذك من الموت عارف مين الدمه بيجري في عروقك دلوقتي عارف مين مكنش بيعرف ينام الليل لانه كان خايف عينه تغفل يحصلك حاجه انا، انا العملت كل دا و كنت فاكر اني بكرهك بس في الحقيقه لا انت اخويا و عمري ما هنسي كلمه اخوات أبداً
حضنه وليد لأول مره بحب و اخوه و طلع من حضنه وهو بيقول له: طيب سبني انا عشان ارتاح بقي عشان بعد بكره هروح اتقدم ل بنت كده و عوزك معايا و متقلقش هنرجع البيت دا زي الأول و احسن
نرجع النجع
كانت اخر الأخبار اني نغم علي ضربها بالنار وهو يقصد عبدالله و لكن اتصابت نغم بدل عبدالله، و شلها عبدالله و طلع بيها علي المستشفى
وصل عبدالله المستشفى و دخل زي المجنون: عاوز ترولي بسرعه مراتي بتموت بسرعه تعالوا
جريوا كل من الدكاتوه و الممرضين و معهم الترولي و خرجوا وراه عبدالله، شلها عبدالله و حطها علي الترولي و قال لها بخوف: متخافين هتكوني كويسه صدقيني مش هيحصلك حاجه ماشي خليكي صاحيه ماشي
ردت نغم بدموع و تعب: هتوحشني يا عبدالله
عبدالله صرخ فيها و الدموع في عيونه: متقوليش كده يا نغم انتي هتبقي كويسه متقوليش كده
سابت نغم ايده و دخلت اوضه العمليات
دخل امجد المستشفى و راح عند عبدالله: خير يا ابني اي الجديد
عبدالله بدموع : دخلت اوضه العمليات
حاول امجد ان يخفف عنه: متجلجش هتبقي كويسه
انفعل عبدالله: لا نغم قبل ما تدخل قالتلي هتوحشني اقسم ب ربي لو نغم حصلها حاجه هقتل علي و مش هيهمني حد
في شقه فارس
خرجت حور و هي لبسه بيجامه ستان بيج و قعدت تتفرج علي التلفزيون
دخل فارس الشقه و شافها، فكر شويه و راح عندها: ااااا عامله اي دلوقتي يا حور
ردت حور بجمود: كويسه
حمحم فارس قال: طيب ممكن اقعد معاكي شويه
زفرت حور، اوووف اتفضل
قعد فارس و قال بحرج: حور انا اسف….. حدقت حور به و لسه هتتكلم قال هو بسرعه: و عارف اني اسف لوحدها مش كفايه بس انا بجد مش عارف اعمل اي انا عارف اني مهما اقول انا غلطان و تقريباً اتعقبت علي غلطي دا اهو
ابتسمت حور بستهزاق و فهم هو معني الابتسامه و قال بسرعه: انا مقصدش بالعقاب اني اتجوزتك لا انا اقصد العقاب ب الحصل مع جاك كفايه خوفي و اعتقد يوسف اختار العقاب دا بالذات عشان احسن بيكي انتي كنتي شايفاني كلب و باكل فيكي وانتي كنتي خايفه مني اوي و انا كمان كنت خايف اووي اووي و كان بياكل فيا هو كمان ___ كانت لسه هتتكلم قاطعها تاني: انا عارف اني في فرق كبير و عارف اني الانا حسيت بي ميجيش حاجه جمب الانتي حسيتي بي بس والله والله مكنتش في واعي انا فجاه حياتي اتلغبطت و شربت لحد ما كنت مش شايف قدامي سامحيني يا حور و اسف علي الانا عملتوا فيكي
ردت حور بحزن علي حاله فهو مهما عمل حبيبها و قلبها رق: انا مسمحاك يا فارس و انا عارفه اني انت فعلاً مكنتش في وعيك بس الحصل صعب عليا اووي اوووي يا فارس
فرح فارس لانها سامحته: انا اوعدك اني هنسيكي الحصل دا بصي احنا كده كده اتجوزنا مفيش مفر بس الاول نتعامل صحاب و حبه حبه هناخد علي بعض، و مد فارس يديه لها و قال وهو يبتسم: اهلا انا فارس الالفي
ضحكت حور و قال وهي تسلم عليه: اهلا و انا حور العدوي
بعد ساعتين في اوضه العمليات خرج الدكتور و استقبله عبدالله بلهفه و قال: اي يا دكتور نغم عامله اي
نظر لهم الدكتور بأسف و قال….
يتبع …..
خرج الدكتور و قابله عبدالله بلهفه و قال: اي يا دكتور نغم كويسه
رد الدكتور بأسف: انا مش عارف اقولكوا اي هي حالتها متاخره اوي محل الرصاصه صعب جداً المطلوب انها تعدي 48 ساعه الجاين دول بس بسلام لما للأسف
وقف عبدالله الكلام في حلقه و هو بيقول بغضب: هتقول و هتبقي كويسه و احسن من الاول نغم مش هتسبني و مش هيحصلها حاجه فاهم
رد الدكتور بحزن علي حالته: ادعلها احسن بعد اذنك
قال عبدالله بغضب و الدموع تنزل منه: والله هقتله يا جدي هقتله مش هسيب علي مش هسيبه
رجع غيث البيت و طلع غرفته وجدها قاعده بتعيط: ممكن كفايه عياط بقي يا ميسون
ردت ميسون بانفعال: ملكش دعوه بيا سبني في حالي انت دمرت حياتي
قال غيث ب صرامه: ميسون اطلعي من الدور بقي انتي بتحبيني
عقده حاجبيه و قالت: اي الكلام الفارغ دا حب اي و قرف اي، اي الكلام الفارغ دا
مسكها غيث و قال بزعيق: لا يا ميسون دا مش كلام فارغ يا ميسون دي الحقيقه الانتي بتهربي منها من اول يوم شوفتيني في و لما لقيتي انك مش هتشوفيني تاني وافقتي علي فارس وانتي بتحبيني انا يا ميسون انتي كنتي بتفكري فيا ديما
شدت ميسون يديها منه بقوه و بعدته عنها: حتي لو انا اه مش جبانه عشان اتهرب و اقولك اني فعلا مش بحبك لا كنت بحبك كنت غابيه لاني اعجبت ب واحد و حبيته لمجرد انقذني بس مكنتش اعرف انك هتدمرلي حياتي
غيث بانفعال: انتي الحصل معاكي دا كان فعلا هيحصل مع اختك كانت هتكون هي مكانك وجودك حاجه كويسه اوي و الخطه مشيت صح
قال ميسون بغل و زعيق: و لي ادخل انا واختي الخطه دي من الاول ذنبنا اي فهمني لي يحصل فينا كده لي لي انت تعمل فيا كده قولي لي تصورني و انت اهئ اهئ حرام عليك انا بكرهك بكرهك امشي اطلع بره مش عوزه اشوف وشك امشيييييي مش عوزه اشوووووفك بكرهك بكرهك
خرج غيث من الاوضة بحزن و سمع صوتها وهي بتقول: انا بكرهك يا غيث بكرهك اهئ ابعد عني انا بكرهك و بكره نفسي
خرج غيث من الفيلا و كلم ريان: تعالي حالا يا ريان عوزك
ريان رد بتوتر: اااااا حاضر حاضر