نعمه بصدمه. رفضناك ايه يا بنى دا انت كنت لسه عيل صغير و كنت بتقول كدا احنا هنصدق ازاى و بعدين انا ماعشمش بنتى على الجواز منك و انتو لسه عيال يا آدم
ادم بصدمه. يعنى علشان كدا و لا علشان عندى اعاقه ف رجلى
نعمه بلهفه. لا لا والله و بعدين اعاقه ايه دا مجرد تقوس ف رجلك مش ملحوظ يا آدم انت اهبل يا بنى قوم أمشى الله يهديك يا بنى لما شوف بنتى ال هتموت من العياط دى
ادم اخد وتين و مشى و نعمه دخلت ل چين
نعمه بحزن. چين حبيبتى
چين بدموع. ابنى ف الحضانه يا ماما و جوزى طلقنى انا اول ما ابنى يتحسن هاخده و اسافر
نعمه بصدمه. هتروحى فين
چين و بتمسح دموعها. هقعد ف المنصوره و ابنى حياتى هناك انا و ابنى
نعمه و ما زلت تحت صدمتها. و انا يا چين هتسيبينى
چين. هتيجى معايا
نعمه. بس انت عارفه أن عمرى ما هسيب البيت ال اتجوزت فيه دا هنا روح ابوكى الله يرحمه
چين. هنقعد هناك شويه و هترجع
بعد مرور أسبوع
چين راحه المستشفى علشان تاخد ابنها بعد ما اتصلوا عليها
چين. لو سمحتى يوسف ابنى كان ف الحضانه و قولتلولى اجى استلمه هو فين
الممرضه. بس يوسف رامى أبوه جه اخده و مشى من شويه