واحده لحد ما يبدأ يحققلك الدخل وبعد كده تقدر تسيب شغلك الشركه وتستقل لمشروعك وانت مرتاح
_ معاكي حق يا هنا 🙂
_ هو ده انسب حل فعلا … شكرا
مفيش بينا شكرا يا عمر
_ طب احكيلي بقا ايه اللي مطلع الجميل السطح كده ف الوقت ده ؟
مفيش ، ورايا مذاكره والامتحان قربت وقلقانه فطلعت ف الهوا شويه عشان ده اكتر مكان انا برتاح فيه
_امممم
اخبار فريده معاك ايه ؟
_ كويسه …. بتحبني وبتهتم بيه ..صحيح مش فاهماني اوي …لكن اكيد مع الوقت هتفهمني وتعرف طبعي اكتر
اكيد
كملت دندنه مع اغاني ام كلثوم وعمر قعد جمبي ف المرجيحه ودندن معايا وكل واحد فينا سرحان ف عيون التاني ببتسامه تدوب القلب ومش حسين بالوقت ولا اي حاجه
وبعد شويه فوقت من سرحاني ونزلت عيني من عليه بإحراج وقولتله : طب يلا ننزل بقا عشان الوقت اتأخر وانا
عندي كليه الصبح وانت عندك شغل
_ ماشي يلا بينا قالها عمر ببتسامه
كل واحد دخل بيته وعمر كان سايب التليفون تحت ف شقتهم مكنش معاه وقت ما كان معايا فوق فريده اتصلت