رهف بدموع/ لا يا عاصي انا تعبانة اوي و خايفة
و اترمت رهف في حضن عاصي اللي مقدرش يشوفها بالضعف ده هي اه بقالها كام ساعة موجودة في قنا بس هو يعرفها و سمع عنها كتير من عمه
عاصي بخوف / اهدي يا رهف .. خلاص مش هسيبك اهناا هتيجي معايا
و شالها عاصي و بص للدكتورة بتحذير / لو متحسنتش علي طلوع النهار حسابي هيبجي معاكي انتي
و خرج عاصي قبل ما يسمع رد الدكتوره و راح ووصل رهف لحد العربية بتاعته و ركب جمبها و قبل ما يتحرك اتفاجاه برهف حطت ايديها علي ايده و قالتله بضعف / انا عطشانة اوي يا عاصي ، عايزة ماية
عاصي / طيب حاضر هنزل اجيبلك بس متتحركيش من اهنا . عايزة حاجة تاني غير ماية
رهف حركت رأسها بضعف بمنعي لاء و نزل عاصي من العربية بلهفه عشان يجيبلها الميه
اما رهف فسندت ايديها على ازاز عربيه واتكلمت بتريقه وقالت / شكل الحرب بدات بدري قوي يا عاصي يا قناوي قابل بقى اللي جاي 😏
يتبع….