نفسي اطمن عليهم، بذمتك حد يسيب مريم بنت الناس المتربية
و اللي عايشة على مستوى عالي و أهلها ناس كويسين و يتجوز البت دي اللي ملقتش حتى حد يكون موكلها يوم فرحها… لا يا ليلي أنا مش هرتاح الا لما اخلص منه َ اخلص ابني منها.
ليلي:أنا مش هعرف اسلك معاكي بس بلاش الغضب يعمي عنيكي يا نعيمة… أنا همشي دلوقتي و هجيلك بكرا… ياله تصبحي على خير
نعيمة:و انتي من اهل الخير..
يتبع….
في صباح يوم جديد
غنوة بدأت تفتح عنيها و هي مش عارفه اللي مستخبي ليها… لكن يوم جديد و حياة جديدة
مع أشخاص حياتهم غير حياتها مختلفة تماماً عنهم….. لكن القدر كان ليه رأي مختلف في حكايتها و بدل حياتها
فجأه.
يمكن للأسوء…. يمكن للأحسن
شيء نسبي لان مفيش حقيقة ثابتة
كان عندها عدم ثقة في الناس…. لكن دلوقتي عندها عدم ثقة و شعور بالنفور و الكره.
اتعدلت قعدت على إلانترية، بصت ناحية السرير لكن سلطان مكنش نايم.
سمعت صوت باب الحمام بيتفتح و بيخرج سلطان و هو لابس تيشيرت اسود و بنطلون رصاصي غامق، غنوة ديرت وشها بعيد عنه و اخدت هدوم ليها و دخلت الحمام.
سلطان بص لها و راح ناحية الدولاب.
عدت دقايق