رسلان كانت لأول مره دموعه تنزل من لما كان طفل وعيونه اسودت كسواد الليل الذي لم ولن يأتي له نهار أبداً بعد الآن معقوله حبيبته دي اللي بين ايديه ربنا وحده العالم مصيرها ايه معقوله دي اللي عاش حياته كلها يبني أحلام سعيده معاها خلاص أحلامه بتطير لحظه
ايه صوت التكسير ده .. ده صوت كسر أحلامه وقلبه رفع راسها بين ايديه وحضنها جامد واتكلم بدموع وكسره لأول مره يحس بيها / غرام قومي يا غرامي قومي يا حبيبتي ردي عليا
طلع راسها من حضنه وبصلها واتفاجئ بالدم مالي هدومه سابها وبص لإيده بصدمه وزهول هو عارف ان الوحش انضر’ب بسكي’نه في جنبه بس دي مش الوحش دي حبيبته وروح قلبه وغرامه شالها على ايديه وهو بيحاول ينقذها بأي طريقه مهما مهما كانت حتى لو
هيديها روحه بس هي تعيش فضل شايلها وماشي بيها في الصحرا وفجأه حس بالأمل بيدخل قلبه وبينور روحه وكيانه لما شاف بيت خشب شبه الكوخ جري عليه بسرعه وهو ضامم غرام نفسه يدخلها جوا ضلوعه مش شايلها خبط على الباب شويه والباب اتفتح وكان واحد شباب بصلهم جامد
رسلان / لو سمحت فيه ناس هجم’وا علينا في الصحرا وفيه سكي’نه صابت مراتي لو سمحت ساعدني
الشاب بصله وكان هيرفض بس شاف حالة حزن رسلان ود’م غرام اللي بينز’ف وتقريباً اتص’فى
الشاب / ادخلوا
دخلهم وبدأ يعمل أعشاب من زرع موجود عنده في البيت وبدأ يدقهم جامد لحد مابقوا شبه المرهم
الشاب / خد ادهنهم على جنب مراتك