غرام / ممكن أفهم ليه التحقيق ده
رسلان / لا تحقيق ولا حاجه أنا بس استغربت فقولت أسألك
غرام / وانت مشوفتش كنت بتسألني ازاي ده كأنك بتتهمني بحاجه أنا معرفهاش
رسلان بصلها جامد / غرام انتي عمرك ما حبيتي
غرام بصتله بصدمه ومش عارفه تتكلم
close
رسلان / ايه السؤال صعب أوي كده يا اه يا لأ
غرام / لأ
رسلان / ولا بتفكري
غرام / أفكر في ايه
رسلان / تحبي وتتحبي وتعيشي قصة حب زي الروايات والأفلام
غرام ببرود / الحب الحقيقي هو اللي يجي يخبط على بابي ويطلبني من أهلي لكن لعب العيال وجو دحرجيني يا لامونه ده مش تبعي
رسلان بإعجاب وضحك / دحرجيني يا لامونه
غرام / اه
رسلان / طب واللي يخبط على بابك ويطلبك
غرام / هرفضه
رسلان بصدمه / طب وترفضيه ليه
غرام بمرح / يرضيك أتجوز واحد يذلني بفشلي