رسلان / فعلاً معاك حق حقك عليا
وحضنوا بعض
الجماعه جم من بره وكل واحده دخل ينام وكل واحد في دنيته وأفكاره
( عاوزه أقولكم أولاً مش كل حاجه بنشوفها بعيونا بتكون صح ممكن نشوف حاجه ونفهمها غلط ونسمع حاجه ونفهم غلط والمقصود بتكون حاجه تانيه خالص بلاش تسرع يا جماعه في الحكم على حد في العَجَلَه الندامه وفي التأني السلامه
أما ثانياً قال رسول الله صلّ الله عليه وسلم { من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان} لما تشوفوا حاجه غلط بتحصل حاولوا تغيروها حتى لو باللسان والمقصود هنا النصيحه )
يتبع….
رسلان صحي على صوت الفون بتاعه / ألو السلام عليكم
إبراهيم / وعليكم السلام تعالى المقر حالا عشان فيه مصيبه وقفل من غير ما يسمع رده
رسلان بص للفون وهو حاسس إن عقله وقف وقام بسرعه أخد شاور وغير وطلع كان الكل نايم لسه الساعه 5الفجر نزل ركب عربيته ومشي شويه وفونه رن ركن على جنب ورد / فيه ايه عندك يا يوسف
يوسف / فيه مصيبه حد بيخترق أجهزة الأمان اللي انت عاملها للسجن اللي تحت الأرض
رسلان بصدمه / ازاي ده طب اقفل أنا جاي دلوقتي
راح بسرعه على المقر ودخل كان الكل بيلف حوالين نفسه دخل مكتب إبراهيم بسرعه
إبراهيم / فيه حد اخترق البوابه الأولى واتفتحت