دخل رسلان مكتب القائد وفضل واقف مصدوم أول ما شاف الوحش وكلم نفسه ( معقوله ده الوحش اللي مدوخ الدول كلها وراه يبقى ده )
close
كان الوحش لابس بدله جلد سوده وقناع اسود على وشه مش باين منه حاجه حتى عيونه عليها طبقه سوده مخبياها كان قصير ورفيع بس أوي
الوحش / ياترى خدتلي كام صوره على كده
رسلان وهو بيفوق من صدمته / مش مصدق إنك انت الوحش
الوحش / ليه مالي يعني
رسلان / كنت متخيل الوحش اللي الكل بيترعب منه ده طول بعرض بعضلات مش صغير أوي كده
الوحش / مش بالجسم
رسلان بسخريه / أومال بإيه
الوحش / بالعقل وقوة القلب يا قيصر
رسلان باستهزاء / بجد والله العقل وقوة القلب ده انت لو خدت قلم هتنام مكانك سنتين
الوحش / امممم تحب تجرب
رسلان / أجرب أوي مجربش ليه