سحر .. انا طول عمري مبستريحلهاش البت دي وكنت دايما بحظرك منها وانتي اللي مكنتيش بتسمعي كلامي
لأ وسايبلها مفاتيح شقتك عشان تدخل وتخرج براحتها ايه للدرجادي كنتي مأمنالها . اهي يوم ماداخلت دخلتلك مصيبة في بيتك
ريم .. كفاية ياماما بقي انا مش مستحملة وانا يعني كنت هعرف منين انها هطلع واطيه وزبا.له كده
سحر .. خلاص يا حبيبتي اللي حصل حصل
بس دا درس ليكي عشان تتعلمي منو عشان بعد كدة ماتبقيش تأمني ولا تثقي في حد مهما كان قريب ليكي
ريم .. عندك حق
………..
في المستشفى
حازم كان واقف بحزن وهو بيبص علي أبوه اللي نايم على السرير وجسمو كلو متوصل بالأجهزة
حس فجأة بأيد علي كتفه لف وكان تامر
” تامر ده يبقى ابن عمو وجوز اخته هنا . وهو وحازم قريبين جدا لبعض”
تامر .. هيبقى كويس أن شاءالله
حازم وهو بيبص علي أبوه .. يارب
حازم بصله .. هو ياسين فين
“ياسين ده اخو حازم الصغير”
تامر .. مش عارف .بس انا شوفتو بيتكلم في التليفون وبعدين نزل مش عارف راح فين
حازم .. مين اللي عمل كدة ياتامر .انت اللي شغال مع ابويا وعارف مين هما اعداؤه
تامر .. مفيش غيره .كمال ابو العزم
حازم .. انا كنت شاكك فيه