داليا .. هتعملي ايه مع جوزك ده
ريم .. بتعب مش عارفه .. بس مش هرجعله
داليا .. امال هتروحي فين
ريم .. انا هسافر شرم الشيخ لماما
داليا .. وتفتكري هايسيبك .
ريم .. عارفه انو مش ها سيبني بس انا حالياً مش عايزه اشوف وشه
داليا .. بصي ياريم انا معاكي إن حازم ده حيوان وواطي
بس انا شايفة إن هو الوحيد اللي يقدر يحميكي
ريم .. يحميني من مين . انا محتاجة اللي يحميني منو
داليا .. انا حاسه ان هو مش ها يأذيكي .اللي عملو معاكي ده واصراره عليكي بيقول انو بيحبك
ريم بسخرية .. بيحبني . وليه متقوليش إن إصراره ده عشان هو انسان مريض واناني اهم حاجة انو يحقق رغبته وبس
داليا .. لا ياريم انا متاكده انو حبك والدليل على كدة انو اتجوزك
ريم .. اسكتي ياداليا انتي مش فاهمه حاجه . اللي زي حازم ده ميعرفش يحب .دا اتخلق عشان يأذي بس
داليا .. علي فكرة بقا لو هو فعلا كان عاوز يأذيكي كان خد منك اللي عايزو من غير جواز وزي ما بتقولي بني آدم بجبروته ده مكانش هيفرق معاه غير رغبته وبس
ريم .. ان ليه حاسه انك بتدافعي عنو
داليا ..انا مش بدافع عنو انا بس بقولك فكري كويس انا مش عايزاكي تخسري كل حاجه
ريم بيأس.. انا خلاص خسرت كل حاجه .يلا انا همشي انا