حازم اتنهد ومسك وشها بإديه.. بصي يا ريم انا عايزك بأي شكل وبأي طريقة . ومدام ده اللي هيريحك انا هاعملولك
اظن كدة بحاول اعمل اللي عليا
ريم بسخرية .. لأ انت كدة كتر خيرك الحقيقية
حازم .. شوفتي . انا كدة مش مأثر في حاجة اهو
وخرج وهو بيقولها مستيكي في العربيه متتأخريش
ريم اتنهدت بضيق ودخلت الحمام غسلت وشها
وظبطت شعرها وخرجت وراه
بعد ساعة كانو خارجين من عند المأذون بعد ماكتبو كتابهم
حازم فتحلها العربية .. اركبي
ريم ركبت وحازم لف وركب هو كمان
ريم بتوتر .. ه.هو احنا هنروح فين
حازم ببرود.. هنرجع الشقة
ريم .. ممكن اروح شقتي
حازم .. ليه
ريم .. انا هدومي هناك وكل حاجتي
حازم .. هابعت اشتريلك كل الهدوم اللي انتي عايزاها
ريم ..بس
حازم بحدة .. مابسس .انتي هترجعي معايا علي الشقة
مش عايز كلام كتير
ريم اتنهدت بضيق وبصت نحية الشباك وسكتت
حازم هو كمان طول الطريق متكلمش لحد ما وصلو قدام الشقة
حازم فتح الباب .. ادخلي
ريم دخلت وهي متوترة
حازم .. انا ماشي دلوقتي عشان عندي شغل