ريم بصتله بصدمة واستغراب من تغيره المفاجئ
حازم .. يلا عشان انا مش فاضي . عندي شغل
ريم .. غريبة
حازم .. هو ايه اللي غريبة
close
ريم .. ايه اللي غيرك كدة وخلاك تتنازل وتتجوز وحدة عاهر.ة زيي .ثم أكملت بسخرية .. معقولة حازم باشا هيتنازل ويوافق أن اسمه يتحط جمب اسمي
حازم بهدوء .. ملوش لازمة الكلام ده دلوقتي .. يلا عشان منتأخرش
ريم بعصبية .. منتأخرش على ايه
حازم بهدوء .. علي المأذون .يلا انا هطلع استناكي في العربيه .خمس دقايق وتحصليني
ريم .. استني .انا عاوزة افهم انتي ناويلي علي ايه
حازم .. هكون ناوي علي ايه مش فاهم ..انتي طلبتي كدة
وانا هاعملك اللي انتي عايزاه
ريم ..وانا اضمن منين انك هتتجوزني بجد . مش ممكن تكون بتضحك عليا
حازم .. ايه شغل الافلام ده . انا لو في دماغي كدة مش هقولك هنروح لمأذون ..