ماحبش حازم يضيع وقت
بمجرد ما قفل الباب كويس بالمفتاح قرب منها وحاوط كتفها بزراعيه وقالها ببتسامة .. نورتي مملكتي
ريم كانت واقفة زي المشلولة وهي بتتخيل اللي هيحصلها
والزاي هتقدر تفرط في نفسها بسهولة كدة وتسلم نفسها للشيطان بأديها
فاقت على صوت حازم وهو
واخدها من أيدها وبيقولها .. تعالي
ريم بخوف .. ا.اانت هتعمل ايه
حازم .. متخافيش . مش هاكللك
وبخطوات بسيطة خدها وقعدها على كرسي البار اللي في اخر الريسيشن وقالها بنبرة حماسية .. تحبي تشربي ايه ..
وقبل ما ريم تتكلم
حازم فتح ازازة الفوديكا وصب كاس لنفسه
واتكلم بكل بساطة وقالها .. بتشربي ياريم
ريم بصتله بصدمة
ابتسم حازم بسخرية لما شاف الصدمة علي وشها
وقالها ببرود.. بلاش تمثلي دور البريئة دا عليا لأني فاهمك كويس
ريم بعصبية .. انت ليه مش عايز تصدق اني مش كدة
احلفلك بإيه عشان تصدقني
حازم بستفزاز.. خلاص انا هعمل نفسي مصدقك وانك شريفة بجد . هاا هتشربي ايه
ريم اتنهدت بضيق .. انا مش عايزة حاجة