ما كانش في حاجه باينه منها خالص غير وشها بس سلمت عليهم بعنيها عمار شاور لها على الكرسي اللي هتقعد عليه بعينه وقعدت من غير ما تتكلم وطبعا كانت عين بوسي هتاكلها عماله تفصص فيها وفي ملامحها لدرجه انها ميلت على عمار وقالت له اتجوزتها ازاي دي ده انت ذوقك اتغير قوي في الحريم
كانت حياه صحيت من النوم وجت عشان تاكل معاهم كلام ليالي في دماغ عمار اول ما عمار شفه سلم عليها بس
بدا يراقبها وغلطه الشاطر بالف
تلفونها رن بس هي كنسلت رد عمار وقال لها مين
حياه.صحبتي انا قفلت عشان ما تصدعناش عشان نعرف ناكل سوا
عمار سكت متكلمش
تليفونها رن تاني فاستاذنت وقالت عشان ترد على التليفون وطبعا عمار مراقب كل اللي بيحصل
بالنسبه لليالي كانت قاعده بتاكل ما بتتكلمش كان في صوره محطوطه على الحيطه لحور اخت عمار ليالي كانت
بتاكل بس عينيها كانت مركزه مع الصوره
لدرجه انها وقفت فجاه عن الاكل وسكتت فضلت بصه مره واحده كده على الصوره كانها اكتشفت سر استاذنت وقالت انها شبعت ولازم تقوم تغسل ايديها
.
كان في الوقت ده مروان اخو عمار جه وفضلوا يتكلموا شويه كده ويهرجوا لما عثمان طلب من مروان يجيب له المشروب من المطبخ مروان دخل يجيب لهم المشروب بس وزع في الكوبايات كلها منوم الا كوبايه واحده بس
وخد الصينيه وحطها على السفره