منها اساسا مجيده ميلت على عمار وقالت له انا ليا كلام ثاني معاك بس مش وقته
والاكل اتحط على السفره ليالي بدون ما تحس بدات تاكل لانها كانت جعانه قوي بتاكل زي الاطفال بدون ترتيب
بدون هدوء وهم طبعا بداوا يتفرجوا عليها وكانوا مندهشين لطريقتها لكن عمار قرب على ودانها وقال لها اهدي مش كده
ليالي اتكسفت واتاسفت وقالت لهم انا اسفه انا كنت بس جعانه
عمار حب يغير الموضوع قال له عثمان يلا عشان عندنا اجتماع
لكن قبل ما يقوم من على السفره صوت حياه اخته وقفه لما قالت له انا عايزه اخرج شويه
عمار..ممنوع تخرجي وممنوع اي حد في البيت هنا يخرج
حياه . انا ذنبي ايه في اللي بيحصل ان انا كنت شبهها ان انا توامها اني بفكره بيها
عمار ض’ربها بالقلم وقالها اخرسي اللي بتتكلمي عليها دي اختك وماتت لازم تحترمي حرمه الم’وت وامشي على اوضتك وما فيش خروج
حياه خدت نفسها ودخلت اوضتها وهي بتعيط مجيده ما كانش ينفع اللي انت عملته ده يا عمار عمار عشان بعد كده تعرف هي بتتكلم ازاي مجيده دخلت ورا حياه الاوضه عشان تهديها عثمان قال لها ل عمار انا هسبقك في الجنينه