سليم بنبرة حادة: مش هكرر كلامى
وخرج ورزع الباب وراه
تمام اما نشوف اي الهدوم اللى فى الدولاب اي ده اي الفستان ده
جميل اوى بجد معقولة ده عشانى
بعد شوية … فتحت الباب وخرجت
زيرو بصحك :اي ده الفستان طلع حلو عليكى اهو متوقعتش الصراحة
سليم : بطل يا زيرو وخلينا ننزل الهانم اخرتنا واللورد بيستنى نزولنا من ساعتها ومينفعش نسيبه يستنى
حسيت نفسي فى فيلم كرتون لورد وفستان اي اللى بيحصل ده مش فاهمة حاجة كنت لابسة الفستان والهيلز (جزمة بكعب عالى)
فستان ازرق غامق جميل اوى وهيلز ابيض الفستان كان بكم ومعاه طرحة بيضة كان جميل اوى وكمان بعتولى
خدامة تساعدنى فى اللبس ولفتلى الطرحة بطريقة شيك اوى وميكب رقيق كان جميل اوى
نزلت على السلم اللى خلانى فعلا احس انى فى فيلم كرتون او قصر خيالى كان كبير اوى وكان موجود ناس كتير اوى فى القاعة دى تقريبا حفلة مكونتش فاهمة اي اللى بيحصل يعنى انا مخطوفة ولا اي ولا بحلم ولا اي ؟ وصلت اخيرا وبقيت فى القاعة الرئيسية
حسيت نفسي غريبة وسط الناس دول كلهم انا مش متعودة على النوع ده من الحفلات واصلا مكونتش بحضر حفلاتنا عشان كل الناس اللى فيها مظاهر ومتصنعين بيجو مجاملة او عشان مصالح محدش فيهم خايف علينا او بيحبنا غير يمكن ناس قليلين اوى