حسام وإيكسايل بصو لبعض وبعدين بصولى
سلمى: سلام قولا من رب رحيم بتبصولى كده ليه
حسام: احنا تعبنا فيه بقالنا سنتين بنحاول نخرجه من اللى هو فيه وانتى جيتى ف كم دقيقة واقنعتيه انه يبدا من جديد ازاي ده
إيكسايل: دنا تعبت وانا بحاول ارجعه زى ما كان واغيره انتى فيكى حاجة غريبة تقريبا بتحضرى عفاريت صح اصل مفيش تفسير منطقى غير كده
سلمى: يا جماعة والله انا معملتش حاجة انا قولت اللى ف قلبى وبس
حسام: للمرة التانية بتثبتى ان قرارى كان صح ف انى اضيفك معايا فى الفريق
إيكسايل انفعل شوية خلاص بقا روحى اتمشي فى المكان ومتخافيش المكان امان
سلمى:تمام وروحت ماشية عشان اتعرف على المكان ده
حسام: انت مفكر انى مخادتش بالى
إيكسايل : انا مش غبى وعارف انك ذكى واكيد هتفهم انا مش عاوزك تقرب منها يا حسام
حسام ضحك بسخرية: اي حبيتها ولا اي
إيكسايل : اسكت وبطل كلام انا عارف انك انت كمان بدات تحبها صح
حسام: الصراحة اه وكمان لو اتجوزتها هضمن انها هتبقى فى الفريق علطول
إيكسايل: بالظبط هو ده كل اللى انت بتفكر فيه
حسام:احسبها زي ما تحسبها مش فارقه معايا بس أنا مبحبش حاجة تخصنى تروح لحد او حد يحاول ياخدها منى