ياسين انفعل : وهيجيلى اي لما اشتغل بقلبى يعنى هيجيلى اي كنت بعمل كده لحد ما اخويا مات بسبب شغلى ده انتى مش عارفه حاجة اسكتى
وبعد ما قال الكلمتين دول انا شوفت فى ياسين حاجة شوفت حزن وضعف وحسيت انه شوية وهيعيط تابعت
كلامى وقولت
انا عارفة ان ده صعب واحساس صعب اوى كمان بس انت المفروض متبقاش ضعيف وتستسلم لكل ده المفروض ده يبقى دافع ليك انك تكون احسن وتشتغل من قلبك وعقلك عشان ترجع حق اخوك متستسلمش واحنا كلنا بندعمك اتوكل على الله وابدا من جديد
(دى نصيحة للكل يا جماعة مش فى الرواية بس لازم منقفش عند نقطة معينة كلنا بنمر بصعوبات ولحظات فشل بس الذكاء والنجاح اننا منقغش ونحاول دايما نغير من نفسنا ونبدا من جديد ونحل المشكلة وده طبعا بيبدأ بالتوكل على الله…💛)
ياسين اتاثر وبكى : بس الاوان فات خلاص
سلمى: لا طول ما انت عايش وفيك نفس يبقى لسة الامل موجود ويبقى لسة الوقت مخلصش ولا انتهى
ياسين بحماس: خلاص انا هبدا من جديد وارجع حق اخويا على اللى اتقتل بسبب انه كان بيدافع عن اهل بلده
شكرا يا انسة كلامك اثر فيا اوى
كل ده كان تحت عين حسام وإيكسايل وهم مصدومين وفاتحين بوقهم من الصدمة
ياسين : انا هروح اكمل بحثى و استخباراتى باي اشوف وشكم على خير