حسام: خلاص خلاص اهدى يا ياسين الفترة اللى فاتت حصلت مشاكل ده غير نقص فى العدد وكمان المكان ده على الرغم من انه سري بس سليم قبل ما يختفى قالهم عنه و هجمو علينا امبارح
ياسين : ده تقصير من فريقك ومنك يا حسام
حسام: انا بعمل كل جهدى انا مبنامش يا ياسين
ياسين : طيب يا حسام بس انا بحذرك وكده انا عملت اللى عليا
حسام: نفسي تبطل الجمود اللى انت فيه وتشتغل معانا بقلبك مش بالطريقة دى
ياسين : قلب ايه يا سيادة الرائد حسام دى تفاهة
حسام : لما تشتغل بقلبك معانا وتدافع عن ناس عايشين فى بلدك ضد ناس عاوزين يسرقوها ويدمروها هتعمل اي حاجة وكل حاجة ومش هيفرق معاك موتك فى سبيل حماية بلدك
ياسين : مهما قولت مش هغير رأيي
كل ده وانا بسمع الكلام واتضايقت وفجاة مقدرتش اسكت
سلمى : لا بجد .. انت حر اعمل اللى انت عاوزه بس انت بتساعدهم ليه طالما مش بتشتغل بقلبك انت ليه واخد الدنيا بيع وشراء ليه واخدها كده انت متعرفش اي حاجة ف اي حاجة