مجهول : يا سلام على شجاعتك شجاعة اوى كده
انا واحد من أعداء المنظمة بتاعتك
استغربت منظمة ايه ورجعت افتكرت قصدو المنظمة بتاعة الرائد حسام……
وانا محتاجك تساعدينى هم واثقين فيكى عشان انتى اخت ياسمين وعشان ساعدتيهم امبارح
سلمى : وانت ايه اللى مخليك واثق اوى انى هساعدك
ببساطة… وراح مصوب المسدس على راسي
عشان لو موافقتيش هتخرجى من هنا ج•ثة يعنى مش هتخرجى
عايشة ….
سكتت للحظة واعتبرت ده تحدى وانا اصلا عنيدة
سلمى : انا مش موافقة واعمل اللى تعمله انا عمرى ما هخونهم او هخون ثقتهم ولو فيها رقب•تى وانا مش خايفة
منك انت جبان مغمى عينى وعاوز تقتلنى عشان خايف منى
ضحك الشخص المجهول
انا عاوز اعرف انتى بتعملى كل ده ليه انا ممكن اديلك الفلوس ولا انتى صح مش محتاجة فلوس ممكن اديلك
السلطة واي مركز فى البلد او اي حاجة انتى عاوزاها هعيشك ملكة ومنكرش انتى عجبتينى اوى …
سمعت كلامه من هنا وبعدين ضحكت بسخرية
هو انتا مفكرنى زيك ولا اي مش كل الناس تقدر تشتريهم وبعدين مش كل حاجة تقدر تشتريها بالفلوس
مجهول : لا كل حاجة ممكن تتشرى بالفلوس الصدق والامانة والشرف والنزاهة والكرامة وكل حاجة