هز رأسه وهو يقول:
– ايوه بس الي عاوز اقولهولك إن… يعني أنتِ أكيد فاهمه إن الحب مش بإيدنا ومحدش يقدر يتحكم في قلبه يحب مين ويكره مين صح؟
قطبت حاجبيها بضيق فما له يحدثها وكأنها طفلة لا تفقه في الحب شيئًا؟ ربما هي بالفعل لم تخوض تجربة كهذه
ولكنها تقرأ عنه كثيرًا, وشعورها تجاهه رسخ في ذهنها ما تقرأه:
– ايوه فاهمه, ليه حساك بتكلم طفلة؟
مسد بكفه على مؤخرة عنقه بحرج من ردها, فهتف موضحًا:
– مش قصدي, بس أصل الموضوع معقد شوية.. الحكاية مش إني كنت بحب واحدة ومحصلش نصيب.. المشكلة إني تقريبًا
بحبها من ساعة ما عرفت يعني ايه حب, بحبها بقالي 10 سنين, وللأسف مش عارف اتخلص من حبها رغم إنها اتخطبت وهتتجوز كمان شهر, أنا كان ممكن مقولكيش بس حسيت إني هبقى بخدعك.. أنا آسف لو كنت صدمتك بكلامي, بس ليكِ كل الحق إنك ترفضيني بعد الي قولته.
تحاملت على ألم قلبها وتلك النبضات القاسية التي شذت عن نبضاتها الطبيعية, وافتر ثغرها عن ابتسامة ساخرة تسأله:
– وأنتَ جيت بقى تقولي عشان ارفض ويبقى الرفض من عندي أنا مش كده؟
أجابها بصدق: