بتفكير:
– بس أنتِ بتقولي أنه استقال يعني هيفدني ب ايه؟
ردت بذكاء:
– أنتَ أكيد مش هينفع تستعين بضابط عشان ممكن يكونوا مراقبينك ولو ده حصل هيبقى في خطر كبير على يونس, لكن لو استعنت بجوزها هيبقى الأمر عادي كأنه صديقك وبتقابله مفيهاش حاجة, وكمان هو ضابط سابق أكيد له حيله وأفكاره الي هتفيدنا لأننا عمرنا ما هنوصل لحل لوحدنا ولا نعرف المجرمين دول يكونوا بيفكروا ازاي,
غير بقى أنه أكيد عنده معارف هتفيدنا لو احتجنالها.
هز رأسه موافقًا على حديثها وقد اقتنع بتفكيرها ليقول:
– كلمي صاحبتك هاتيلي رقمه.
أومأت وهي تتجه لهاتفها سريعًا طالبة رقم صديقتها كما أزعمت والتي لم تكن غير “ليل”.
————————-
قبل دقائق من الآن….
فتحت عيناها بضعف تشعر بدوار يلف رأسها وكأن جسدها يلتف حوله نفسه, تأوهت بضعف وهي تكافح لترفع رأسها عن
الوسادة, شعرت بضباب في الرؤية لقليل من الوقت حتى اتضحت لها الرؤية لتجده يقف أمام شرفة الغرفة التي تقبع بها والتي لم تكن سوى غرفتهما, يعطيها ظهره ناظرًا للخارج بهدوء تام, استغربت وجوده لا تتذكر أنه أجاب