_ أظن لو اتحركتوا افيدلكم!
انتبه “بدر” لحديثه فقال:
_ ينفع ننزل بالاسانسير؟
close
ابتسم بهدوء تام مجيبًا:
_ لا انتوا هتشرفونا شوية لحد الحوار ده ما يخلص، على الاقل عشان اضمنلكوا السلامة.
وانهى حديثه متحركًا من أمامهما ليهتف “بدر” عاليًا:
_ ايه الي يخليني أثق فيك؟
التف له نصف التفاته قائلاً:
_ متثقش.
_ بدر!
هتفت بها “لليان” بقلق، ليجيبها:
_ لازم نتحرك، مفيش حل تاني.
وبالفعل أتبعاه دون أدنى علم بالآتي!!
توقف أمام باب أحد الغرف وفتحها مشيرُا لهم بالدلوف، وما إن فعلوا حتى كاد يغلق الباب ليوقفه “بدر” متسائلاً:
_ هو أنتَ ضابط؟
فهيئته وطريقته غير السلاح الذي يحمله أوحت له بهذا، ليبتسم الأخير وهو يقول:
_ كنت.
وأغلق الباب ملتفًا للمعركة الدائرة خلفه ليتجه بخطوات واثقة للإنخراط بها.. وحل الأمر.