شهقت بقوة وهي تقف محلها، ليلتف لها باستغراب لملامحها المتحفزة:
_ مالك؟
رفعت إصبعها تهتف بحسرة:
close
_ حسين.. حسين يا بدر حرام عليك.. بقى أبوه يبقى اسمه بدر وأمه لليان وهو نسميه حسين!؟
تجاهل حديثها ليتجه للمصعد الكهربائي لاستقلاله للهبوط من الطابق السابع في تلك المستشفى الخاصة الضخمة والتي تنتمي لأصحاب الطبقة المخملية، اتبعته وهي تهتف لذاتها:
_ والله أبدًا على جثتي اسميه حسين..أنا ابني يبقى اسمه..
_ حسين.
رددها حين وصلت لجواره وانغلق باب المصعد عليهما، لتحتد ملامحها وهي تنظر له مرددة:
_ انسى يا بدر مش هسميه حسين.
وببرود كان يردد:
_ هنشوف.
ارتفع صوتها وهي تهتف بعصبية:
_ ايه الي هنشوف.. ده ابني ومن حقي اختار اسمه معاك، وأصلاً بقى لو صممت مش والدة ايه رأيك؟