– طب ماهو الي يجيلك يا عاصم, مش هتعرف تقف لوحدك.
أجابها بنفاذ صبر:
– ياستي مش هيدخل ده هستلم منه حاجه ويمشي, بعدين معرفوش تقابليه أنتِ ازاي يعني.. ادخلي بس بسرعة هاتي محفظتي, بس وصليني للباب الأول ليمشي.
استند عليها حتى وصل لباب الشقة فاستند على الباب عوضًا عنها ودلفت هي للداخل, وبعد ثواني أتت لتعطيه المحفظة من خلف الباب المفتوح, أخذها منها وأخرج نقودًا للرجل واستلم منه صندوق ما متوسط الحجم.
أغلق الباب لتسنده على الفور حتى عادت بهِ لغرفة المعيشة, جلس بحرص فوق الأريكة ووضع الصندوق فوق الطاولة مشيرًا لها أن
رواية لولا التتيم❤?كاملة ? جميع الفصول
تجاوره, فجلست جواره بعدم فهم, أشار للصندوق وهو يقول:
– يلا افتحي.
– ايه ده؟
تنهد بهدوء مجيبًا:
– بصي يا ستي, أنتِ قولتِ دي فترة خطوبة, يعني المفروض خروجات وهدايا ودلع وكده, بس للأسف أنتِ شايفة مقدرش أخرج من باب الشقة, فقولت مادام مفيش خروجات يبقى على الأقل يبقى فيه هدايا, ولأني مش هعرف أخرج أشتري هدية, طلبتها أونلاين يارب