ولكنه اتصدم لما راح يبص علي السرير لقاه فاضي و شباك الأوضه مفتوح و سحر رابطه طرح في بعض و مثبتاهم في السرير و بتنزل عليه
المسافه ما بين البلكونه و الارض مسافه دورين او تلاته يعني مش قصيره وهي لسه كانت في أولها
اسلام بلهفه : سحرررر
سحر بخمول و سكر : انت عاوز ايه
اسلام وهو بيشد الطرح : امسكي كويس انا هطلعك اهوا
سحر بسكر : هههههههه يبقي انت كدا البطل الشاطر اللي بينقذ حبيبته زي الروايات بس هو انت بتعرف تطير زي سوبر مان أو اسبيدرمان
اسلام بلهفه : امسكي يا سحر كويس خلاص اتفضل شويه
سحر بوجع : بس ايدي وجعاني اوووي
و بترفع له ايديها فبيلاقيها عباره عن دم القماشه البيضه اللي كانت ربطاها بقت لونها احمر
اسلام بلهفه : متخافيش يا حبيبتي معلش حقك عليا
بقا بيشدها بكل قوته و بيحاول يطلعها قلبه واجعه اووي علي منظرها رغم جبروته و عصبيته الا أنه يحب ينتقم هو و ياذي و يقتل كمان بس ميحبش يشوف حد بياذي نفسه قدامه
قاطع تفكيره سحر بسكر : انا تعبت كفايه بقا انا خلاص مش قادره
اسلام بلهفه : لا انا خلاص هخلص اهوا خلاص