-“جرى إيه يا داليا؟! أنتِ اللي يشوفك دلوقتي عايزة تمشي مش هيصدق أن أنتِ نفسك اللي أقنعتيني عشان نحضر الخطوبة ونبارك لنادين!”
أجل، لقد ألحت عليه حتى يوافق على حضور الخطبة؛ لأنها أرادت أن تقوم بإغاظة نادين عندما تذهب برفقة رامز وهي ترتدي فستانًا باهظ الثمن ولكنها لم تتوقع أن يكون آدم شخصًا ثريًا وسوف يحرص على أن تعيش نادين
حياة مرفهة للغاية.
تظاهرت داليا بالإعياء وهي تقول بخفوت تخفي خلفه براكين من حمم الغيظ والحقد:
-“أنا عايزة أمشي؛ لأني حاسة أني تعبانة أوي يا رامز”.
صدق رامز كذبتها وغادر برفقتها منزل خالته بعدما سلَّم على والدته وشقيقته.
ابتسمت أمنية بتهكم ومالت على أذن والدتها هامسة بضيق:
-“شوفتي يا ماما، داليا وشها قلب إزاي أول ما شافت الشبكة والخاتم اللي آدم جابهم لنادين؟”
أومأت إلهام وردت بهدوء وهي تضرب كفيها ببعضها:
-“أيوة شوفتها يا حبيبتي ولسة هنشوف منها كتير لأنها واحدة حقودة وهتفضل تبص للي في إيد غيرها وعمرها ما