جن جنون شمس بعدما سمعت هانيا وهي تنعتها بتربية الشوارع وأمسكتها من ذراعها وأخذت تضربها بقسوة.
تدخل محمد على الفور وفصل بينهما وصاح ناظرا إلى شمس بغضب:
-“إيه اللي أنتِ بتعمليه ده يا شمس، أنتِ اتجننتِ؟!”
دفعته شمس وهي تصرخ بحدة تخرج بها جزء من بركان الغصب الذي يشتعل في صدرها:
-“ابعد عني يا حقير، أنت مش مكسوف من نفسك لما تكون راجل متجوز وقاعد تجري زي الأراجوز ورا واحدة تانية غير مراتك!!”
نظرت شمس إلى هانيا قائلة باحتقار:
-“لمي جوزك يا مدام لأنه قاعد يلاحقني ومش راضي يسيبني في حالي، حاولت أفهمه مليون مرة أني مش بطيقه بس هو مصمم يدخل حياتي بالعافية والنهاردة اكتشفت أنه دفع مصاريف العلاج والعمليات اللي سمر أختي هتبدأ تعملها بداية من الأسبوع الجاي”.
رفعت شمس إصبع السبابة في وجه محمد وهي تضيف بتحذير:
-“إياك تحاول تحشر نفسك في أموري مرة تانية ويكون في علمك أنا هسدد ليك كل الفلوس اللي أنت دفعتها لأني مش شحاتة ولا محتاجة صدقة منك”.
غادرت شمس تاركة خلفها هانيا التي اتسعت عيناها بصدمة ونظرت إلى محمد تسأله بتعجب:
-“هو الكلام اللي البنت دي بتقوله يبقى صحيح؟! يعني أنت بتحبها فعلا وبتحاول تخليها هي كمان تحبك!!”
انفعل محمد وصرخ في وجهها بنبرة أجفلتها:
-“وأنتِ مالك أنتِ إذا كان الموضوع ده صحيح ولا لا، هو أنتِ كنتِ من بقيت أهلي!! دي حياتي وأنا حر فيها وأنتِ