تهديده إذا لم تعد اعترافها بالحب مرة أخرى.
تنهدت حبيبة وهمست بهدوء:
-“أنا بحبك أوي يا مهاب، أنت صحيح بني آدم مستفز ورخم وبارد بس رغم ده كله أنا لقيت نفسي مع مرور الوقت حبيتك من غير ما ألاقي سبب منطقي يخليني مش متقبلة فكرة أني أتجوز واحد غيرك”.
رفع مهاب حاجبيه قائلا بتبرم:
-“يا ستار يا رب عليكِ يا شيخة، هو أنتِ مش بتعرفي تقولي كلمتين حلوين على بعض، لازم يعني تضيفي شوية بهارات من عندك تبوظ كل الحاجات الحلوة!!”
هزت حبيبة كتفيها قائلة بفظاظة:
-“أنت اللي يشوفك بتتكلم كده يقول أني بقول عليك حاجة غلط، كل الكلام اللي أنا قولته حقيقي ومفيش أي كلمة مش مظبوطة؛ لأن الصفات دي موجودة فيك فعلا”.
زفر مهاب بحنق وتمتم بضيق مصطنع:
-“خلاص يا حبيبتي، اقفلي لو سمحتِ حنفية الغزل دي عشان محدش يحسدنا”.
ضحكت حبيبة ولكن سرعان ما خفتت ضحكتها وتحولت إلى العبوس بعدما رأت عزامًا الذي تقدم نحوهما وهو
يبتسم ابتسامة صفراء تخفي خلفها كثيرًا من الخبث والمكر الذي لاحظته حبيبة بوضوح منذ المرة الأولى التي التقت فيها به.
هتف عزام بمودة زائفة فهو من داخله ليس راضيا عن تلك الخطبة ولكنه لم يتمكن من معارضة مهاب؛ لأنه يعلم