ضربته نادين على صدره وهي تتحدث بعصبية شديدة نابعة من الهاجس الذي يراودها من حين لأخر ويخبرها أن آدم سوف يتركها مثلما فعل رامز:
-“أنت واحد كذاب؛ لأنك لو كنت نسيت البنت اللي اسمها شمس دي فعلا كان زمانك محيت أي حاجة تخصها بس ده مش حصل والدليل على كده أنك لسة محتفظ بصور الست هانم لحد دلوقتي”.
شعر آدم بصوت نبضات قلبه يرتفع من شدة الخوف بعدما رأى أن زوجته قد وصلت إلى هذه المرحلة الحرجة من الانهيار.
أمسك آدم بكتفيها رغم مقاومتها له قائلا بجدية:
-“الصور دي قديمة أوي يا نادين وأنا كنت عاينها ونسيت خالص أني أتخلص منها بعد ما انتهت علاقتي بشمس، يعني الصور دي مش موجودة هنا عشان أنا لسة بحبها زي ما أنتِ بتتهميني”.
لم تستمع نادين إلى حديثه فقد أخذت تندب وتنعي حظها وهتفت بحسرة وسط بكائها:
-“أنا مش فاهمة ليه بختي مايل ومهبب بالشكل ده؟! ليه بتعرض للخيانة على طول؟! معقول أنا مش أستاهل أعيش مبسوطة؟! رامز اتخلى عني زمان ودلوقتي اكتشفت أن آدم بيخوني”.
بات من الصعب بالنسبة لآدم السيطرة على غضب زوجته باستخدام المبررات الواهية ولهذا السبب قرر أن يقوم بالفعل الذي سيجعل نادين تهدأ ولا تشك في إخلاصه لها.
توجه آدم نحو المطبخ ثم عاد بعد بضع ثوانٍ وهو يحمل زجاجة صغيرة تحتوي على البنزين وفي يده الأخرى كان