-“ابعد عني يا قذر، أنت شكلك كده اتجننت وعقلك فوت”.
هتف كريم باستنكار وهو يشير نحو نفسه بطريقة أظهرت لها أنه واقع تحت تأثير أحد أنواع المخدرات:
-“ليه بتقولي كده!! كل ده عشان بحبك؟! أنا مش عايزك تخافي يا حبيبتي، مراد مش هيعرف حاجة عن علاقتنا
ببعض”.
هتفت سمية بتوعد بعدما تمكنت من الابتعاد عنه مؤكدة له أنها سوف تقوم بفضحه أمام جميع أفراد العائلة:
-“قسما بالله العلي العظيم لهخلي يومك أسود لأن أنت اتجننت خالص ووصل بيك العبط أنك تعرض عليا عرض مقرف زي ده وتتجاهل حقيقة أني مرات أخوك”.
هبطت سمية إلى الأسفل وتوجهت بسرعة نحو غرفة حماتها وخلفها كريم يحاول إيقافها ومنعها من فضح أمره أمام والدته.
استغربت ميرڤت من دخول سمية لغرفتها بتلك الطريقة وهتفت باستغراب:
-“فيه إيه يا سمية، أنتِ كويسة؟”
أشارت سمية نحو كريم الذي لحق بها قائلة باشمئزاز:
-“لا مش كويسة يا ماما؛ لأن ابنك اللي معندوش ريحة النخوة طلع معاه نسخة من مفاتيح الشقة ودخل عليا وأنا نايمة في أوضتي وحاول يعتدي عليا”.
أسرع كريم بنفي حديثها فهو يعلم جيدا حجم العواقب الوخيمة التي سوف تلحق به إذا أثبتت سمية صحة اتهامها