خالص من الموال ده كله؟!”
ظهرت ابتسامة ماكرة على وجه عزام وهو يقول بنبرة أقرب للهوس:
-“الموضوع ده ليه أسباب كتيرة مش هينفع أقول منها غير سبب واحد وهو أن لما رامز يموت داليا هتحزن عليه ده
غير أنها هتكون مجبرة تعيش على ذكراه وإلا أهل جوزها هياخدوا ابنها منها بحجة أن أمها مريضة ومش هتقدر ترعاه، أما لو أنا سيبت رامز عايش واتسببت في أنها تطلق منه فوقتها أنا عندي كذا وسيلة تخليه يتنازل عن حضانة ابنه لداليا”.
أومأ مهاب متفهما وجهة نظر عزام والتي تبدو مقنعة إلى حد ما بالنسبة له، فهو يستنكر هوس سيده بداليا إلى هذا الحد الذي يدفعه لفعل كل شيء حتى يتزوج بها.
▪▪▪▪▪▪▪▪▪
استغربت إلهام ازدياد تغضن ملامح ابنها بعدما جلبت سيرة داليا وسألته باستغراب:
-“هو أنت اتخانقت مع مراتك يا رامز ولا إيه بالظبط؟”
أجابها رامز وهو يهتف بمرارة:
-“داليا طردتني من البيت بعد ما عرفت أن أنا خسرت كل حاجة”.
فغرت إلهام شفتيها وهمست بخفوت:
-“إيه الكلام ده يا رامز؟! داليا إزاي هتطردك من الشقة وهي أصلا شقتك؟!”
أجابها رامز وهو يتنمى أن يضرب نفسه بالحذاء؛ لأنه كتب شقته باسم زوجته:
-“ما هو أنا عشان واحد أهطل وغبي روحت كتبت الشقة باسمها وهي حامل عشان أحميها هي وابني في حال جرالي حاجة”.