-“أنت أكتر واحد مخلص في رجالتي يا مهاب وده السبب اللي بيخليني مش بعتمد غير عليك في المهمات الصعبة”.
أطرق مهاب رأسه وأكد حديث رئيسه بقوله:
-“أنا خدامك يا باشا، شوف أنت عايزني أعمل إيه وأنا رقبتي سدادة، وزي ما أنت عارف أنا مش بسيب ورايا أي أثر”.
ابتسم عزام وربت على كتف مهاب قائلا بفخر؛ لأنه تمكن من تربية ابن عدوه اللدود وجعله ذراعه الأيمن الذي يطيعه ويفعل كل ما يأمره به دون أن يدري أنه يخدم الرجل الذي قتل والديه بدم بارد:
-“كلامك مظبوط يا مهاب وعشان كده أنا عايزك تخلص على أشرف الليلة دي لأن طول ما هو عايش هيشكل خطر علينا وده لأن لو البوليس أو رامز شكوا فيه وضغطوا عليه ممكن ساعتها يعترف علينا ويقول أن إحنا المسؤولين عن حرق المخزن وموت الحراس”.
أومأ مهاب بإيجاب مبينا اقتناعه بوجهة نظر عزام بشأن أشرف الذي من الممكن أن يتسبب في فضح أمرهما في حال تعرض لضغط واستجواب شديدين:
-“تمام يا باشا، أنا مش عايزك تحمل هم، اطمن خالص واعتبر الموضوع ده خلصان من دلوقتي، بكرة الصبح هتسمع خبر أشرف”.