البداية… سليم البسطاويسي والد ادهم كبير عيلة البسطاويسي الصعايدة… راجل قوى وكلمتة مسموعة …بس ادهم طلع قوى زية بقوا الند بالند …ظاهريا سليم بيحاول يكسر قوة ادهم ويفرض قوتة بس في الحقيقة من جواة هو فخور بإبنة الوحيد اللي جابة بعد طول انتظار…بس حقيقة ان ادهم الولد الوحيد حملتة حمل كبير ….الحمل دة
كان وصل حد ادهم مقدرش يتحملة وعشان اكون واضح اكتر.. من سنتين والدة كان بيضغط علية يتجوز واحدة من عيلة في بينهم مصالح وكان والد العروسة بيلمح …سليم بدأ يلوى دراع ادهم عشان يخلية يمشي في الجوازة …وضيق علية كل الطرق …مع انة كان عارف كويس ان ادهم مبيجيش بالعند ….ادهم من عمر 84 سنة وهو قايم بكل الشغل وحول المال اللي كان عندهم لامبراطورية امبراطورية تهز الدولة لو اختلت ….كانت اخر مواجهة بينهم
مرعبة يومها سليم هددة انة لو مسمعش كلامة واتجوز بنت الكفراوى …هيمنعة من دخول بيت العيلة في الصعيد للابد…فكان رد ادهم علية انة بعتلة قسيمة جوازكم هسيب لمخيلتك رسم صورة للى حصل ..الحرب قامت بين سليم وادهم وطبعا لما سليم فشل انة يرجع ادهم عن قرارة استسلم واعلن جوازكم وساعتها الكفراوى بطل يلمح
بس شايلها للبسطاويسي وناوى يرد لية القلم قلمين خصوصا انة فتح الجروح القديمة… وعشان متشغليش بالك بحاجات متهمكيش …الصفقة المعروضة عليكى دلوقتى من ادهم بية …يبقي الوضع علي ماهو علية ….انتى هتستفيدى وهو
هيستفيد…… ادهم بية وعد سلطان والدك انة هياخد بالة منك …انتى فعليا مسؤلة منة… هو بيطلب منك تكملي دراستك وتسيبي القلق لوقتة… ياة معقول …الكابوس انكشف…هتفضل في الشقة ومصاريف كليتها مدفوعة …دة