جاتلي بعد صبرعشان كدة انا حاسة بيكى اسمعينى كويس صحيح ادهم ولدى بس انا مش غبية ولا غافلة عن تصرفاتة ناحيتك جاوبينى بصراحة وانا هساعدك …انتى بتحبي ولدى وباجية علية ؟ الامل جواها نمى وترعرع… هبة ردت بلهفه …- ايوة بحبة نجيه ضحكت بإنتصار …- خلاص اعتمدى علي الله وعلية … صحيح يا بنتى انا مش
متعلمة زيكم بس عاجلي صاحى وواعى …ادهم شكلة ملموم علي واحدة استغفر الله العظيم من اياهم وهامل مرتة عشان كدة انا جلت لازمن اتصرف…مش ادهم بس اللي لية جواسيس انى كمان لية … انى شايفة انة كان مهتم بيكى اول ما جيتوا وبعدها من يوم ما العجربة دى جت وهو انشغل بيها عشان كدة انا مثلت انى بعافية
شويتين عشان يفضل هنة وميسافرش …انا يا بنتى صحتى زى الفل ..بس ادهم حنين مش هيهون علية يسافر وانا كدة ….انا عرفت ان العجربة هتسافر بكرة ….الله يسهل ليها تسافر وانتم افضلوا هنة لحد ماربنا ييسرها ليكم.. بردك بعيد عنيها افضل والدور والباجى عليكى بجى ….رجعى جوزك لحض.نك الست ملهاش الا راجلها …وربك
حلل حبك لجوزك …انتى ربنا وهبك جمال …استغلية صحيح وهتكسبي…انا معرفش اية اللي بينتكم بس انا
اعرف ولدى زين …من يوم ما خبرنا انة اتجوز وهو حالة غير…. الامتنان الذي غمرها من موقف نجية اكبرمن انها تعبرعنة بالكلام… كل ما استاطعت فعلة انها القت بنفسها في ح.ضن نجية وبدأت بكاء مكتوم بداخلها منذ سنوات..