فهد: حاضر………
بقلمى/ رنا شريف
عند مالك
سلمى: أنا قلقانه يا مالك
مالك: متخافيش كل حاجه هتكون تمام وهنطلع من الموضوع ده كويسين كلنا
سلمى: فهد لو عرف مش هيسكت
مالك بغضب: ده شغل يا سلمى وبعدين هو مش هيعرف
سلمى: طيب ملاك لو عرفت دى هتنهار، مش بعيد تموت
مالك: متقوليش كده، هي فى الأول بس وبعدين عادى
سلمى: ربنا يستر
مالك: يا رب، المهم آدم اتجنن
سلمى بضحك: يا مالك هو مجنون من زمان بس ليه بتقول كده
مالك: عايز كتب كتاب على طول
سلمى بصدم#مه: نعم، ده اتجنن فعلًا، هو بياخد قرار من دماغه ليه ؟
مالك: مش عارف مستعجل على ايه ده هياخد مصيبه
سلمى بغرور مصطنع: هه، قصدك هياخد قمرايه
مالك: حلو التواضع ده، قومى ذاكرى يا فاشله
سلمى: هقوم، وبعدين أنا طالعالك يا حبيبي
مالك: غورى يلا
سلمى قامت: هغور اهو، ربنا يكون في عونك يا مها
مالك: بتقولى حاجه ؟
سلمى بغيظ: بقول ربنا بيحبك يا مها
مالك بضحك: بحسب.