هزت راسها بنفي..
قاسم بتنهيده : ليه مصره تحطي حواجز بيننا؟ انا مطلبتش ولا هطلب حاجه عن اللي بقدمهولك.. اكتر من سعادتك!
أوليان الدموع اتجمعت في عيونها وهي بتقوله : انت حنين اوي..
قاسم وهو بيطبع قبله على رأسها، وبيقول بهمس : وانا أقدر اقسى على عيوني؟ يلا بقى مش هنقضيها كلام.. ادخلي ارتاحي دلوقتي.. عشان هنخرج في الليل!
أوليان هزت راسها بفرحه .. ودخلت..
قاسم قعد شويه في البلكونه وهو بيخطط هيروحوا فين خلال الاسبوع..
بعد ساعه..
قاسم دخل الغرفه وهو بيقفل البلكونه.. وبيبص عليها ، اتلقاها نايمه وهي حاضنه المخده..
قاسم قرب على السرير و ونام عليه وهو مغطي عيونه بدراعه..
راح في النوم هو كمان من التعب..
في الليل..
صحي قاسم بعد ما حس ببرودة مكانها.. وفقد دفئها..
فتح عيونه بنعاس اتلقاها مش موجوده.. قام بإستغراب..
قاسم وهو بيقوم من على السرير بسرعه وبيخرج من الغرفه : أوليان انتي فين..؟
مفيش رد.. حس بالقلق وطلع يدور عليها في الغرف كلها.. مش موجوده.!
نزل على الدور اللي تحت بسرعه ودور عليها برضو مش موجوده..